Nos Gotefridus dei gracia ecclesie Patauiensis^a episcopus presentibus profitemur et constare volumus universis, | quod ob dei reverenciam et ipsius genitricis virginis gloriose dilectis in Christo fratribus abbati et conventui monasterii in Raitenhaselæh Cysterciensis ordinis dyoeesis Salzburgensis graciam a nostris predecessoribus hactenus habitam, quorum exempla nos imitari convenit in operibus caritatis, favorabiliter recognoscentes duximus indulgendum, ut de propriis salibus suis duo talenta maioris ligaminis^b semel in anno et * victualia sua, que de redditibus suis in partibus Austrie^c annuatim habuerint, tam in Patauia^d quam in Obernberg^e transeant libere sine muta^f, volentes et districte precipientes, ne mutarum nostrarum provisores de predictis ratione mute vel alterius exactionis aliquid exigant vel permittant exigi ab eisdem, sed ipsos eorumque nuncios ob nostri reverentiam taliter promoveant, ut nostra beneficia sibi senciant fructuosa et nos orationum ipsorum et beneficiorum, que deo et sanctis eius in eodem monasterio devotione sedula exhibent, participes existamus. Datum Patauie^d anno domini millesimo ducentesimo octuagesimo tercio, VI kalend. octobr.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 391, S. 315-316