Actus hominum racionabiles ut ad posteros queant pervenire, litterarum scriptura et testium robore eos convenit perenhari. Hinc est, quod ego Rudegerus, | tunc iudex Chremensis, ad noticiam singulorum presentibus cupio pervenire, quod cum bono consensu domine Margarete heredumque nostrorum et voluntate spontanea Chu^onradi mei generi accedente ecclesie sancte Marie in Raytenhasla et honorabili conventui ibidem, ne fructuosa caritate fraternitatis ab ipso totali conventu michi concessa ac bonorum operum, que ibidem domino largiuntur, salutiffera parte expers videar et inmunis, si qua forte bona ecclesie nominale in potestatem meam traherem abusive, redditus quinquaginta denariorum Winn(ensium) et trium pullorum de quadam domo sita super pontem Chremse, quam tunc Rugerus dictus mutarius inhabitabat, pro reconpensacione seu concambio cuiusdam aree unius iugeris sub vineis aput Chremsam locate triginta denarios solventis, que videlicet area in tres partes fuerat divisa, quarum unam partem quidam Vlricus textor, reliquas vero duas quidam Rugerus dictus Iudeus et alter Rugerus sartor tunc temporis possidebant, ex nunc libere dono ac tribuo cum omni locacionis et dislocacionis iure, quod aput nos vulgo ablayt et anlayt nuncupatur. Et ordino predictos quinquaginta denarios et tres pullos sancte Marie in Raytenhasla datos in festo sancti Michahelis annis singulis persolvendos promittens predicte ecclesie et conventui ibidem religioso prenominatos redditus quinquaginta denariorum et trium pullorum ab omnibus inpetentibus et infestacionibus tueri et defendere, prout continet forma iuris. Ut autem hoc prescriptum concambium inter honorabilem conventum sancte Marie in Raytenhasla et me racionabiliter factum aput presentes et futuros robore vigeat firmiori, sepius nominate ecclesie sancte Marie in Raytenhasla conventuique ibidem prehonesto hanc litteram tribuo sigillo universitatis civium in Chrems ac sigillo proprio ad robur efficacius consignitam appositis nominibus testium, que sunt ista: dominus Vlricus de Velebrunne miles, Gozzo quondam iudex, Irnfridus, Walchunus, Iacobus fratres filii Gozzonis, Rudlo de Mawerperg, Vlricus Trevmlo, Wikhardus civis Chremensis, Hilperus, Otto Holzhaymer, Fridericus Strvdlo, Leo Hohstetter et alii quam plures fide digni. Actum anno domini M^o. CC^o. LXXXIII, idybus octobr. in vigilia sancti Galli.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 392, S. 316-317