Nos Wernhardus et Hæinricus fratres de Schowenberch^a omnibua fidelibus salutem in perpetuum^b. Plenam fiduciam in domino habentes, si deo devotis ex propria benignitate gratiam facimus, unde possint commodius sustentari, quod proinde^c divina dementia clementius nostrum statum stabiliat et in futuro felicitatis nobis bravium condonetur, hinc est, quod odoris bone fame alecti dulcedine, que de ecclesia in Ræitenhasla Cysterciensis ordinis tanquam odor Christi bonus per sacram monastice vite observantiam dulcorose diffunditur, dicte ecclesie ad peticionem^d viri religiosi domini Chvnradi tunc abbatis ibidem de gratia concessimus speciali, ut singulis annis semel unam navim quantumcumque magnam oneratam salibus, quocumque tempore placuerit vel utile visum fuerit, et omnia eorum victualia in ascensu de Austria libere ac sine omni exactione mute sive thelonei per mutam nostram in Aschach ducere debeant perpetuo in futurum. Adicientes etiam, ut unam struem, que vulgariter dicitur vloz^e, vasis, lignis vel edificiis sive aliis quibuslibet utensilibus comportatam singulis annis semel, quando ipsis fratribus expedierit, libertate supradicta irrefragabiliter transducant perpetuo pleno iure. Ut igitur presenti nostre gratie nullus per detentionem, extorsionem in predicto loco mute vel pretextu alicuius iuris, peticionis vel consuetudinis audeat novercari, in signum plene et firme libertatis presens tradidimus instrumentum sigillorum nostrorum munimine roboratum. Datum * anno domini M^o. CC^o LXXXIIllo^f Ambrosii episcopi et confessoria in Ræitenhasla. Testes autem huius rei sunt: Otto de Ror, dominus Chvnradus Stal, dominus Chvnradus de Furt, dominus Lvdwicus Schiuer^g, Rv^odolfus Stal, Rv^odolfus Goder, Fridericus notarius, Hiltprandus servus Rorarii et alii quam plures.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 396, S. 320-321