Ego Otto dictus^a de Ror^b omnibus tam presentibus quam nobis succedentibus presens scriptum intuentibus I successibus in presenti felicibus florere et meritis suffragantibus perennibus gaudiis non carere. Cum scriptura teste sacramentum regis abscondere bonum sit, opera autena dei revelare et confiteri honorificum¹, quicquid providencia divina rerum temporaliuna precipue immobilium liberalitate virorum ac mulierum fidelium in usus Christi pauperum pia compassione proximi et amore dei nobiliter fuerit erogatum, nobiliori stilo credo esse scribendum et posteris in exemplum ac memoriam relinquendum. Hiis igitur scriptis cupio declarari singulis et universis huius facti veritatem scire volentibus, quod ego Rvdgeri fidelis subditi ac servitoris nostri de Tal dicti donationem dimidii mansus videlicet in Reinheringen^c, quam domui Raitenhaselah^d contulit in sui inibi memoriam et beate virginis reverenciam libere per omnia et absolute, ut prediorum in hunc modum et collationis requirit consuetudo deo donatorum, nec verbo nee facto passus sum per me aliquatenus infirmari, sed favore meo placide annuente testimonio meo et sigilli mei adpensione hanc cedulam volui efficatius roborari. Testes horum sunt.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 436, S. 357-358