Nr. 266 (A1): ||
||
Ich Alhait von Tann vergihe vnd [tuen]^a chvnt allen den, di disen [brief]^a ansehent oder ho^erent lesen, daz | ich dvrch got vnd dvrch vnser fro^vwen willen vnd dvrch miner sel hail vnd aller miner vorfodern sel sælicheit min mv^el dacz Schozpach^b gar vnd gæntzlich mit allem dem, datz dar zv geho^ert, versv^oht vnd vnversv^oht, han^c gegeben vnser frowen vnd dem goteshv^s datz Raitenhaslach ze rehtem selgræt mit mines hertzenliebes wirtes willen vnd gvnst hern Ekkarten von Tann. Vnd datz ditz selgræt stæt vnd vest beleih, han ich dem gotzhavs von Raitenhaslach vnd der samnvng da selben gegeben disen brief versigelt mit mines hertzenlieben wirtes des vorgenanten hern Ekkharten von Tann insigel. Des sint gezivch: min wirt her Ekkart von Tann, her Chvnrat der pharrer von Mv^eldorf, sin geselle her Vlreich, her Hartman von Holtzhavsen, Levtwin der schvlmaister, Engelbreht von Sikking, Liebhart der Tægen, Rapot der Lvkch, Chvnrat vnd Hainr(eich) die Gallen, Rvdolf Gv^otevrede vnd ander erwerig levt. Der brief ist gegeben des jares, da^d von vnsers herren gewrt waren tavsent jar zwai^e hvndert jar vnd in dem vier vnd newntzigistem jar.||
||
Nr. 265 (A2): ||
||
Ich Alhait von Tann vergihe vnt tu^oen chunt allen den, di disen brief ansehent oder ho^erent lesen, daz ich durih I got vnt durich vnser frauwen willen vnt durih meiner sei hail vnt seid vnt aller meiner vorfodern sel sælichheit mein mu^el datz Schozbach^a, di mein rehtez aigen ist, wan si mein lieber vater, dem got genad, fu^er rehtez aigen chauft von dem Swalben von Dornberch vmb sæhs vnt dreisich pfunt Rægensburger vnt hat si in nutz vnt in gewer gehapt an aigens stat vntz an sein ende an all ansprahe vnt an allen chrieg, di han ich gegeben vnser frauwen vnt dem gotzhaus datz Raitenhaslach ze rehten selgræt gar vnt gæntzleihen mit allem dem, daz dar zu^o geho^ert, ve[r]su^eecht^b vnt vnversu^eecht, swi iz genant ist, vnt han daz getan mit verhængnu^ess vnt guten willen meins hercenlieben wirtez hern Ekharts von Tann. Ja halt daz dicz sælgræt dester besser chraft hab ewichleichen, han ich nah meins lieben herren vnt vater rat vnt Weisung dez ersam aptz Chu^onratz von Raitenhaslach daz gotzhaus ze Raitenhaslach vnt di sammenung da selb gesætzet in nutze vnt in gewer bei meinem lemtigern leib, dar vmb daz si daz vorgenant gotshaus dester sicherleichen hab vnt besitz an allen chrieg vnt an all ansprahh. Vnt daz daz also stæt vnt vest beleih an all ansprah vnt sto^erung, han ich dem gotzhaus ze Raitenhaslach vnt der samnung da selben gegeben disen brief versigelten mit meins hercenliebes wirtez dez vorgenanten hern Ekhartz von Tann insigel ze einem waren vrchu^end. Des sint gezivch^c: mein wirt her Ekhart von Tann, her Chu^onrat der pfarer datz Mu^eldorf vnt sein geselle her Vlreih, her Hartman von Holtzhausen, Læutwein der schu^olmaister, Engelbreht von Sikking, Liebhart der Tægen, Rapot der Lukehe, Chu^onrat vnt Hainr(eich) die Gallen, Ru^odolf Go^vtred vnt ander erber geziveh genu^oeg. Der brief ist gegeben dez jares do von vnsers herren geburt waren tausent jar zwai hundert jar in dem vier neuntzigistem jar an sand Philipez tag datz Mu^eldorf.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 455, S. 373-375