Ich Ott von Wald offen vnt tu^oen chunt allen den, die disen brief ansehent oder ho^erent lesen, daz ich | dem gotzhaus ze Raitenhaslach han gegeben die aigenschaft, die ich hæt an dem holtz in dem Pruntal^a, daz halbes mein aigen waz, daz Hainreih von Hu^ob^b von mir hæt ze lehen, der êmalen daz selb holtz hæt gegeben ze sælgræt dem vorgenanten gotzhaus ze Raitenhaslach, gæntzleihen vnt gar allez daz reht, daz er dar an hæt. Vnt daz daz dikk genant holtz ewichleichen pestêe dem^c gotzhaus datz Raitenhaslach vnt ich mich auh verzigen hab der aigenschaft auf halbem holtz in dem Prunntal^a, da v^eber so han ich gegeben disen brief versigelten mit meinem insigel ze einem waren vrchu^ent. Der brief ist gegeben ze Raitenh(aslach), do von vnseres herren geburt waren tausend^d jar zwai hundert jar in dem oht vnt niuntzigistem^e jar, an vnser frauwen tag in dem habersnit.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 476, S. 395