Ich Vlreih von Hallerpruk^a offen, vergich vnt tu^oen chunt allen den, [di]^b disen brief ansehent oder ho^erent lesen, daz ich Vlreih von Hallerpruk^a | han gegeben dev gu^ot Chruzenpu^ehel^c vnt vor O^ed, dev mein vreiz vnt legdigs aigen waren halbev vnt halbev meins bru^oder Chu^onratz von Hallerpruk^a, vnt was daz selb tail mein Satzung, vnt gab die v^eber tu^ewer mein bru^oder Chu^onrat vnser frauwen hintz Raitenhaslach ze selgræt vnt dem ersamen abt Fridreihen vnt der sammung da selb; do fu^ore der vorgenant abt zu^o vnt legdigt dev gu^ot datz Chruzenpu^ehel^c vnt ze vor O^ed vmb daz gu^ot, da iz mein satz vmb was, vnt chauft der abt Fridreih dar nah ze hant mein tail an den diche genanten gu^oten, versu^oech vnt vnversu^oech, swi iz genant ist, also daz dev gu^ot alles dings sint ledichleichen vnt vreileichen vnser frauwen vnt den^d ersamen abt Fridreihen^e von Raitenh(aslach) angevallen, vnt han ich Vlreih von Hallerpruk^a vnt mein bru^oder Chu^onrat dev gu^ot Chruzenpu^ehel^c vnt vor O^ed auf geseid auf vnser frauwen alter ze Raitenhaslach vnt habent sich auh vnser chint, allev chnehte vnt junchfraun verzigen, also daz si nimermer dhain reht noh dhain ansprah mu^egen gehaben noh getu^erren gehaben auf dev oft genanten gu^ot. Vnt daz der red also sei vnt daz dev gu^ot fu^erbaz ewichleichen besten dem gotzhaus ze Raitenhaslach an allen chrieg vnt an all ansprahh, da v^eber so han ich disen brief gegeben dem vorgenantem gotzhaus versigelten mit meinen insigel ze einem waren vrchu^ent. Diser brief ist gegeben dez jares, do von vnsers herren geburt waren tausent jar zwai hundert jar in dem oht vnt neunzigisten jar, an sant Marteins tag.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 477, S. 395-396