Ich Fridreih von Praunauw^ea vergih vnt tu^oen chunt allen den, di disen hrief lesent oder ho^erent lesen, das ich, do mein | hausfrauw^e frau Ofmey wart der erd bestatt, der got mu^eez gnaden, datz Raitenhaslach an vnser fraun abent in der vasten, han||
gegeben vreileihen vnt ledichleihen^b durih ir sei willen vnt aller meiner voderr sei hail vnt seid vnt der mein selbs mein vreis aigen datz V^eberæch^c auf dem perg, dev mitterhu^ob, vnt han si aufgesælt auf vnser fraun alter ze der^d gegen aller sammung, also mit beschaiderner red, das ich die vorgenant hu^ob sol haben vntz an meinen tot, vnt sol ich vnser fraun ze Raitenhaslach alle jar geben dreizich pfenning ze einem vrchu^ent, daz dev dikk genant hu^ob daz gotzhaus ze Raitenhaslach sol ledichleichen^e angevallen an allen chrieg, vnt sol man die pfenning geben alle jar an sant Michels tag. Idoh wer daz, daz ich erben gewinn, so su^eln die selben erben vreiev chu^er haben, ob si daz gu^ot wellent haben vnt selb behalten, so su^eln si daz^f vorgenant gu^ot lo^esen vnt ledigen mit zehen pfunt pfenning, daz man mit den selben pfenning ein ander gu^ot chauf vnser fraun. Vnt daz daz also stet beleip vnt vnzebrohen, da v^eber so han ich disen brief gegeben vnt versigelt mit meinen insigel ze einem waren vrchu^ent. Diser sahhe sint gezu^eech: her Vl(reih)^g von Frænching^h, Frid(reih) der V^eberæcherⁱ, Eberl der Chalp, Vlschalih von Scho^enperch, Ch(unrad) von Haid, Vl(reih)^g der schuechster^k. Der brief ist gegeben dez jares, do von Christez geburt waren tausent jar zwai hundert jar in dem neun vnt neunzigistem jar, an vnser frauwen abent in der vasten.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 479, S. 396-397