Wir Heinrich der elter vnd Heinrich der jvnger von Schowenberch^a verjehen an disem brif vnd tun allen den chvnt, di in | nv ze stunt vnd chv^emftechlich vernemment, daz wir einvaltichlichen durich got vnd durch vnserer vodereren sele willen vnd durch vnserer sele heil dem erwæren goteshavse ze Raitenhaselah di chapelle ze Særlinge^b bi Ibs gegebn haben ewichlich ze bsitzen vnd ze habn mit allem den reht, vnd wir si gehabt habn. Vnd svln di herren des vorgenanten goteshavses vnserer sele vnd vnserer havsfrowen vnd vnserer voderen vnd vnserer nachomen sele ewichlich gein got gedenchen. Vnd daz in vnd vns disiv gab stæte vnd vnverchert belibe von vns, von vnseren erben vnd von allen vnseren nahchomen, des geb wir im disen brif ze vrchv^ende vnd ze einer stæte versigelten mit vnserem insigel des eitern von Schowenberch^a. Diser rede sint gezivge: der erwær abte Virich von Raitenhaselah, brvder Ilsunch, brvder Heinr(ich) von Mv^enichen, brvder Gebhart, brvder Einwic; her Eberhart der Chalp, Wolferam der Stal, Ch(vnrat) der Stal, Pabe von Hoholtinge^c vnd Stefen von Jvlbach, Charel Raspo vnd ander vrum livte. Diser brif ist gegebn ze Julbach des pfintztages nah sant Margareten tag, do von Christes geburt waren ergangen tovsent jar driv hvndert jar vnd in dem virden jare.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 523, S. 439