Ich Vlreich von Halleprukk^a vergieh vnt tu^on chunt allen den, di disen brief sehent oder hornt lesen, daz ich mit | meiner hausfrawen Mætzen gu^onst vnt auh mit aller meiner chinde^b, Chunrats, Vlreichs, Gebharts, Wernh(arts)^c meiner sv^en, Diemu^oten vnt Chunigunten meiner to^ehter, gutem willen verchauft vnt geben haben ein viertail aus dem gu^ot ze Halleprukk^a mein rehtes aigen mit allem dem, daz da zv^o gehort, gesuehts vnt vngesu^ehts, dem ersamen abbt Vlreichein vnt seiner samung hintze Raitenhaslach vmb ahtzehen Schilling Salzburger phening vnt meiner vorgenanten hausfrawen vnt chinden, sv^enn vnt to^ehtern, ze lævtchauf vnt^d auh, daz si sich sein gu^etleich vnt willichleichein verzigen habent, sehs Schilling phenning. Daz auh der vorgenant abbt Vlr(eich) vnt sein samnung vnt gotshaus dehainerlai mvê, vngemach oder schaden vmb disen chauf von mir selben oder von meinen chinden vnt von imen anderem enphahen schu^ell oder mu^eg, han ich im gesetzt zv einem fu^erphant mein hu^ob datz Æinharting^e mit sotaner beschaidenhait, swi tan schaden er enphah von imman^f, daz si den habent auf der selben hv^ob mit meiner hausfrawen M(ætzen) vnt aller meiner chint gu^otem willen. Vnt zv einer ewigen stætichait ditz chaufs gib ich Vlr(eich) Hallerprukker dem offt genanten ersamen abbt Vlr(eich) vnt seinem gotshaus disen brief verinsigelt mit dem insigel herren Ludweichs des Grans von Vtendorf^g vnt mit meines selbs insigel. Dez sint zevgh: her Ilsunch prior, her Hainreich subprior, her Hainreich der bru^odermaister,||
her Ot der sangner; Wernher von Aich, Fridr(eich) der Darm, Hainreich des selb su^on, Fridreich vnt Chunr(at) von Halleprukk^a, Hainreich der Tren, Ditmar von Phæffing, Chunr(at) sein sv^on, Wolf hart von Mad, Wilhalm, Ortel, Chunr(at), Reicher, dez abbts [k]neht^h, Ortlieb dez chelners kneht, Hainreich der Heltⁱ vnt ander mer. Diser brief ist geben, do von Christes bu^erd waren dreutzehen hundert jar dar nah in dem phumft jar, an sant Ruprehts tag in der vasten.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 535, S. 449-451