In nomine domini amen. Universis presencium litterarum inspectoribus patefiat, quod nos Albertus de Rvna, Iohannes de Victoria, Ilsvngus de Raitenhaslach Saltzburgensis dyocesis, Iohannes de sancta Cruce, | Otto de Zwetla, Christanus de Pavmgartenperig, Paulus de Campo Liliorum, Wisinto de Wilhering, Chvnradus de Alderspach, Chv^onradus de Cella Principis, Christanus de Cella Angelorum Patauiensis dyocesis, Iohannes de Wartsachsen, Fridericus de Walerbach Ratisponensis dyocesis, Volchmarus de Campo Principis Frisingensis dyocesis monasteriorum abbates, necnon Christina de sancto Nycolao apud Wiennam, Elyzabet de sancto Bernhardo in Chrv^og, Cecilia de Ibsa ad sanctum Spiritum monasteriorum abbatisse Patauiensis dyocesis, Benedicta de Felici Valle apud Lantshu^otam et Elyzabeth de Bvelnhoven Ratisponensis dyocesis abbatisse, ordinis Cysterciensis, provincie Saltzbvrgensis, omnes et singuli et singule de conventuum singulorum monasteriorum nostrorum voluntate, consilio et assensu constituimus, ordinamus et facimus religiosum virum fratrem et coabbatem nostrum dominum Chu^onradum de Stamns Brixiensis dyocesis ordinis et provincie predictorum nostrum et nostrorum singulorum ac singularum necnon monasteriorum, conventuum ac fratrum nostrorum et sororum actorem, defensorem, syndicum et procuratorem legittimum et nuncium specialem ad defendendum nostrum omnium et singulorum vice et nomine nos omnes et singulos et nostrum ordinem ac nostra monasteria supradicta et eorum quodlibet nostrosque conventus et monachus ac moniales, ecclesias, capellas, homines, possesiones, bona et iura ac libertates monasteriorum omnium nostrorum et etiam singulorum ac singularum coram archiepiscopo et episcopo quocumque Saltzburgensis provincie aut eorum vicario vel vicariis quibuscumque et coram legato quocumque vel legatis aut nuncio vel nunciis, collectoribus seu exactoribus papalis decime aut rebus aliis quibuslibet, que a nobis exiguntur, et coram iudicibus quibuslibet delegatis aut ordinariis, auditoribus vel executoribus a sede apostolica vel quibuslibet aliis prelatis ecclesiasticis deputatis seu destinatis aut deputandis vel etiam destinandis et contra iamdictos et eorum quemlibet necnon contra eorum Processus factos vel faciendos contra nos et sentencias fulminatas et fulminandas auctoritate ordinaria vel qualibet alia quacumque ratione vel causa seu etiam occasione predictarum decimarum papalium vel aliarum quarumlibet preteriti et presentis temporis ac futuri, quas a nobis communiter ab omnibus vel a singulis aut a nostris monasteriis, ecclesiis vel capellis, hominibus, possessionibus sive bonis aliquis vel aliqui premissorum auctoritate vel nomine sedis apostolice vel alterius cuiuscumque per se vel per alios exigendas duxerint vel etiam exegerint, dantes ei nichilominus potestatem plenariam et mandatum ad agendum,||
defendendum et excipiendum contra personas et rescripta quelibet et contra iurisdictionem et ad alias exceptiones quascumque, defensiones, excusationes vel rationes seu causas quaslibet proponendum, ad privilegia et libertates ordinis allegandas et proferendas, ad testes vel instrumenta producendos, ad petendum dilationes et alia quelibet, que sibi et ordini ac nobis utilia videbuntur, ad iuramentum de calumpnia vel de veritate dicenda in animas nostras aut nostrum singulorum vel singularum et conventuum nostrorum prestandum, ad probandum, appellandum et appellationes etiam prosequendum, restitucionis in integrum beneficium postulandum et generaliter ad alia omnia et singula facienda, que in premissis aut circa aliqua premissorum oportuna aut necessaria videbuntur aut que nos omnes aut singuli vel singule nostrum possemus facere per nos ipsos, etiam si mandatum exigant speciale, et ad substituendum, quociens opus fuerit, procuratorem aut procuratores alios ad premissa omnia vel aliqua premissorum et revocandum eosdem, cum viderit expedire, super quibus omnibus sibi generalem et liberam amministrationem^a[?] tribuimus et plenariam facultatem. Damus etiam ei specialem et liberam potestatem super predictis decimis cum collectoribus sive exactoribus decime memorate papalis, que a nobis et a nostris monasteriis requiritur, conveniendi, paciscendi, componendi seu etiam transigendi pro certa summa et pecunie quantitate, promittentes nos omnes singulos ac singulas ratum et gratum perpetuo habituros, quicquit per eum vel substitutum aut substitutos ab ipso circa premissa omnia vel singula fuerit ordinatum. Relevantes etiam ipsum et substitutum vel substitutos ab ipso ab omni satisdationis onere promittimus omnes et singuli ac singule sub ypoteca rerum nostrarum iudicio sisti et iudicatum solvi pro omnibus clausulis suis. In quorum omnium testimonium et certitudinem pleniorem de consensu nostrorum et singulorum omnium vice et nomine ceterorum abbatum et abbatissarum monasteriorum et conventuum sigilla principalium ex nobis presentibus sunt appensa. Datum Patauie anno domini millesimo trecentesimo tercio decimo, pridie idus iunii, indiccione undecima.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 583, S. 493-495