Wir Heinrich, Ott vnd Heinrich von gotes genaden pfallentz grafen ze Reyn vnd hertzogen | in Baiern verjehen offenbar an disem brief, wan vnser getrewer Ott der Seifristorfer^a dvrich sein vnd seiner vodern hail dem gotshavs ze Raitenhaslach gegeben vnd gewidemt hat dev gv^ot, den hof datz Maierhof bei Mitterperig vnd daz Chobellehen datz Seifritstorf, dev er von vns ze lehen het, vnd wan wir avch dem selben gotshavs fv^edervng vnd genaden schuldich sein, haben wir nach Hartl(ieb) des Pu^ochperger^b vnsers pfleger vnd alles vnsers rates haizzen, willen vnd rat dem vorgenanten gotshavs ze Raitenhaslach gegeben dev lehenschaft der obengenanten gv^ot ewichlich behalten vnd ze besitzen als ander ir aigen gv^ot. Vnd daz im daz stæt beleihe vnd vnzerbrochen, geben wir im disen brief versigelten mit vnserm insigel tze einem vrchv^end. Der ist gegeben ze Lantshvt^c, do man zalt von Christes gebvrt drevzehen hvndert jar vnd in dem sechtzehenten jar, an dem pfintztag vor sand Jo^ergen tag.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 604, S. 514-515