Ich Hainrich von Hag vergich offenlichen vnt tu^en chunt allen den, di disen prief lesent oder horent | lesen, daz ich allen den chrieg oder ansprach, den ich het oder macht gehaben, er wer recht oder vnrecht, hintz dem gotzhaus von Raitenhaslach vmb||
dev hv^eb datz Haunolting^a, für mich selben vnt für all mein nachchom ledichlichen vnt gentzlichen han aufgegeben zv einem rechten selgeræt. Vnt daz daz dem erwerigen abt Ilsungen vnt dem vorgenantem gotzhaus ze Raitenhaslach vnzeprochen beleib, gib ich in zv einem vrchunt disen prief versigelt mit minem insigel. Dez sint zeug: bru^eder Hilprant, bru^eder Ott der Sachs, bruder Wachsmu^et der chelner; Ortlieb min bru^eder, Fridrich der Darm, Ch(unrat)^b der Titler vnd ander pider læut||
genu^ech. Der prief ist gegeben, da von Christ purt waren vergangen tausent jar drev hvndert jar dar nach in dem sehzehent jar, dez næchsten tags nach sunibenten.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 606, S. 516-517