Quoniam generacio preterit et generacio advenit, ne perverse generacionis temeritas beneficia electe generacionis obnubilet et subvertat, necessarium est ea, que ad posterorum noticiam volumus pervenire, | scripto et adnotacione testium perhennari. Nos igitur Heinricus et Otto dei gracia palatini comites Reni, duces Bawarie, presentibus profitemur, quod karissimi proavi nostri domini Ottonis dive memorie, quondam illustris ducis Bawarie, litteras salvas et integras omnimodis presentibus nostris consulibus et fidelibus vidimus et legi audivimus in hec verba: folgt UB 126. Cupientes itaque more atque exemplo eiusdem nostri proavi et parentum nostrorum ardencius diligencium et prosequencium monasterium sepedictum non paucioribus, immo amplioribus beneficiorum promocionibus et quibuslibet defensionibus graciosis ex affectu plenissimo diligere ac fovere premissas libertates, gracias et iusticias eiusdem monasterii pleniter cognoscentes de consilio et assensu toeius nostri consilii ratas et gratas habemus et presentibus confirmamus precipiendo firmiter et precise sub obtentu nostre gracie ac favoris fidelibus nostris necnon iudicibus et officialibus universis, ne quisquam ipsius monasterii bona vel homines contra formam prehabitam audeat molestare aut quomodolibet occupare. Dantes sepedicto monasterio Raitenhaslach in testimonium huius rei presentes litteras sigilli nostri consignatas karactere cum testibus subnotatis, qui sunt: Alramus comes de Hals, Sifridus de Pu^ochperch magister curie nostre, Ekkolfus de Wartt, Heinricus de Preising, Hartpertus de Aheim Wernhardus Granso, Albertus de Nevnchirchen^a vicedominus apud Rotam, Heinricus Ramsperger videdominus in Strvbinga^b, Georius de Chabers, Alb(ertus) Rv^ostorffer, Fridericus notarius noster et alii quam plures de nostro consilio. Datum in Purchvsa^c anno domini millesimo trecentesimo septimodecimo, in die beate Lucie virginis.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 616, S. 524-525