Ich Ernreich puriger ze Pyburch vergih vnd tu^on chunt allen den, di disen prief sehent, lesent I oder ho^erent, daz ich nach miner gwissen vnd nach miner sel hail vnd sa^elde, da ich dannoch wol pei mir selben vnd pei minem witzen pin gewesen, also min geschaft han getan, als her nach verschriben ist. Des ersten han ich minen sun Ru^ogern verricht seins ha^eiratgu^otz dreisich phunt Regensp(urger) phenning vnd han im dar vmb in geantwurt minen hof ze Vilsatleren mit der beschaidnhait, daz ich vnd min hausfra^owe vns behalten haben den gwolt, den selben hof wider ze rechter losung zeit wider ze lo^esen, alz getaidingt ist, vnd sol er vns dar an nicht irren noch engen. Dar nach han ich geschaft minem sun Albrechten als vil, daz sint auch dreisich phunt Regensp(urger) phenning, der man in fuderleich verrichten sol von miner hab. Dar nach minen zwain enichlaien^a mins suns Ludw(eig) chint, dem got genad, dev hu^eb datz Na^eitzhaim, di suln auch pei miner hausfrawen belaiben wesnleich. Dar zu minem liben sun prvder Hainr(eich) ze Raitnhaseleich ist, ob ich oder min hausfrawe den hof ze Satlarn von minem sun wider lo^esen vmb di phenning, dar vmb wir im in geantwurt haben, ein phunt Rengsp(urger) phenning aus dem selben^b hof pei vns lemptig, vnd vnser nach paider to^ed sol der selb genant^c hof pei dem gotzhaus beleiben ebichleich vns vnd vnsern erben zu einem selgred. Swos dar vber wir belaibt, dez sei vil oder wench, oder vber wirt, daz han ich lauterleich miner liben hausfrawen geschaft vnd sol ir sein vntz an ir to^ede vnd sol dhain min erbe sei dar an engen vnd sol vnd mag auch si da mit tun vnd schoffen pei ir lemptig vnd nach ir to^ed, daz si wil vnd ir nutzz vnd gu^et ist paidew ir leib vnd ir sele. Vnd pei dem vorgenanten geschaft ist gewesen di ersam laut her Seifrit Smautzhauser pfarrer ze Pyburch, her Hartman vnd her Seif(rid) sein gesellen; her Heinr(eich) der Seybotzdorfer, her Manigos, her^d Haug, her Perichtolt di Seibotzdorfer, Martein Velber, Ortlieb der Pochner, H.^c der chaufman sein aidm, Alb(er) Swobenfleisch, H.^e der Chargl vnd min ped sun vnd ander pider la^eut. Dat. et act. anno domini Mo CCC^o vicesimo secundo, in vigilia beati Gregori^f pape. Vnd der prief ist verinsiglt mit mins herren^g insigl dez vor genanten pfarrer ze Pyburch, vnd mit minem insigl.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 640, S. 549-550