Cum omnia, que in tempore fiunt, simul cum tempore ab hominum memoriis deleantur, nisi certo fuerint | litterarum testimonio confirmata, scire igitur^a volumus universos presencium inspectores, quod nos frater Gregorius abbas totusque conventus monasterii in Zwetel matura deliberacione prehabita de licencia et assensu venerabilis^b domini et patris visitatoris nostri abbatis videlicet Sancte Crucis commutavimus et dedimus reverendis in Christo dominis, domino scilicet abbati totique conventui monasterii in Raitenhaslach, sex areas infrascriptas proprietatis iure perpetuo possidendas pro ortulo quodam prope curiam nostram in Chremsa sito simili proprietatis titulo nobis libere ac perhenniter usurpando, de quo videlicet ortulo singulis annis racione iuris civilis in die sancti Michahelis officiali ville ibidem duo denarii sunt solvendi. Arearum vero nomina et redditus sie sciuntur: primo Trautmannus dare tenetur XXX^a denarios de una area^c, de qua dantur duo denarii pro iure civili Prechtlino; item Vlricus Rechner^d de una area sex solidos denariorum, de qua dandi sunt duo denarii plebano de Wedling^c; item Hertlo piscator de una area XXX^a denarios, de qua dandi sunt X denarii plebano de Wedling^e; item Dietel de una area III solidos et X denarios; item Marquardus Schewber^f de area tres solidos denariorum pro servicio et II 1/2 denarium pro iure civili; item Ernestus de area tres solidos pro servicio et II 1/2 denarium pro iure civili; item de una vinea in Newndorf^g dantur quadraginta denarii. Ut igitur huiusmodi mutua nostra commutacio et tradicio inconvulsa perpetuo perseveret^h, presentem paginam sigilli nostri karactere in testimonium huius rei duximus consignandam. Datumⁱ et actum anno dominimillesimoCCC^o. vicesimo quinto, in die beatorum martirum Fabiani atque Sebastiani.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 658, S. 561-562