Ich Engelprecht Ra^ehenstamph, purger ze Wasserburch, vnd Ekhart vnd Liebhart mein pruder vnd alle vnser erben verjehen offenbar an disem brief, das wir den erbern herren des gotzhaws ze Raitenhaslach disew abschrift geben versigelt mit des erbern mannes Wernleins des lanntrichters ze Chlingenwerch insigel vnd mit Chunratz des Schreibers insigel, richter ze Wasserburch, da wir vns vnder verpinden in payden an schaden zu einem vrchund vnser hantvest, die wir von dem selben gotzhaws inne haben, die nicht mer saget, dan als disew abschrift sagt. Das ist geschehen, do von Christes gepurd waren drewzehen hundert jar dar nach in dem acht vnd zwaintzigistem jar, des nachstens freytags nach sand Vlreichs tag.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 674, S. 575