Wir Heinr(ich) * von gotes genaden pfallentz graf ze Reyn vnd hertzog in Bayern enbieten vnsern vitztu^omen, richttern vnd I gemainleich allen vnsern amptlau^eten * vnser huld vnd alles gu^ot. Wir lazzen euch wizzen, daz wir den ersamen abtt vnd den conuentt von Raitenhaslach * in vnsern besundern scherm vnd genad genomen haben, also daz wir in alle di hantuestt, di si habent von vnsern vodern oder von vns, gesta^ett haben vnd sta^eten mit dem brief, si sein v^eber gericht oder v^eber ander sache; da von wellen wir vnd gebieten ev allen vestichleich bei vnsern hulden, daz ir si an allen den briefen, di si habent von vnsern vodern oder von vns, mit nichtev irret, laidigt noch beswa^ert vnd in di ga^entzleich sta^et habt, als ir vnser grozzev vngenad wellet vermeiden. Vnd dar v^eber ze * vrchu^end geben wir in den brief mit vnserm insigel versigelten. Der ist gegeben ze Lantshu^ot, do man zelt von Christes gepu^ertt drevtzehen hundert jar dar nach in dem drev vnd dreizzigistem jar, des na^echsten freytags nach sand Peters vnd sand Pauls tag.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 691, S. 589-590