Nos Seibrandus divina miseratione abbas, Chunradus prior totusque conventus monasterii sancti Viti aput Rotam fluvium ordinis sancti Benedicti Saltzburgensis dyocesis | profitemur et universos scire volumus, qui presentium tenorem perceperint, quod nos bona et longa inter nos deliberatione prehabita, sano quoque et maturo premisso consilio omnium et singulorum, quorum interest, dimidium predium ecclesie nostre in Schu^oestero^ede propter sui dimidiationem et alias quasdam conditiones, ex quibus nobis et ecclesie nostre hactenus inconveniens fuisse et minus utile probabatur, vendidimus religiosis in Christo viris domino Hainrico venerabili abbati et conventui in Raetenhaslach ordinis Cysterciensis supradicte dyocesis, cultum et incultum, quesitum et inquirendum, pleno iure et omni proprietate, quo nobis et nostro monasterio hucusque legittima et quieta possessione competiit, pro quinque libris denariorum Ratisponensis monete eandem peccuniam in meliores et aptiores ecclesie nostre redditus convertentes. Volumusque tam iuste quam sinceriter, ut predicti abbas et conventus de Raetenhaslach et succesores eorundem antedictum dimidium predium absque nostra successorumque nostrorum qualiscumque actionis aut questionis materia perpetuo libere et quiete possideant, et renuntiamus omnibus et singulis, que nobis aut successoribus nostris de iure vel impetrata gratia possent in contrarium suffragari. Testes vero, qui interfuerunt huic venditioni, ut premissum est, subscribi fecimus in testimonium veritatis: dominus Chunradus plebanus, dominus Hinricus aliquando abbas, dominus Wernhardus, dominus Chunradus dictus Eprecher sacerdotes et monachi monasterii nostri; Hinricus dictus Hauslod, Chunradus Freitach, V^olricus de Oberhouen, V^olricus de Gaulsperge, Fridricus de Pernhapten, Chunradus Titler, Nicolaus de Puchsinge laici et alii quam plures fidedigni. Ut autem omnia et singula, que premissa sunt, sepedictis fratribus de Raetenhaslach et successoribus eorum rata et inconvulsa permaneant, presentes litteras ipsis in testimonium dedimus sigillorum nostrorum inpressionibus roboratas. Actum et datum anno domini millesimo CCC^o. XXX^oIIIIto. pridie kalend. aprilis.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 693, S. 590-591