Wir Margar(et) von gots genaden pfallentzgrafinn ze Rein vnd hertzoginn in Baieren verjehen offenbar an disem bri^ef, | wan di læut von Chirchweidach vnd ander ir gesellen, di in zu^o geho^erent, mit vnserm vrlaub daz wismad an dem hard auf wellent vahen, wellen wir, daz si des selben auf vahens ewichlich an ir leib vnd gu^ot gein vns vnd gein vnsern amptlæuten vnd auch gein allen purchgrafen vnd pflegærn ze Wald, der ietzu^o da ist oder fu^erbas da wirt, vnengolten su^ellen beleiben, wan si gern recht da von wellent tv^on, swer hintz in dar vmb iht hat ze sprechen. Der bri^ef ist geben ze Purchausen millesimo. CCCmo. XL^o., des næhsten suntags nach dem auffert tag.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 705, S. 603-604