Wir Ludowig von gotes genaden Rômischer keiser, ze allen zeiten merer dez reichs, j enb(iete)n vnserm mauttner ze Scha^erdingen vnser huld vnd alles gu^ot. Vns hat kunt getan . . der abbt von Raitenhaslach, vnser lieber diemu^etiger, daz sein diener siben vas wins von O^esterreich her auf gefu^ert haben vnd daz du si vmb die mautt bechumert habst, als verre das si di mautt verborgen musten. Heizzen wir dich ernstlichen vnd wellen es auch, das du si der selben porgschaft vnuerzogenlichen ledig vnd los lazzest vnd si darvmb furbaz nihtz beswa^erest, wan wir in die genad, die si von vns vnd vnsern vordem habent, niht vberuarn wellen. Geben ze München an eritag nach der osterwochen in dem einen vnd dreizzigsten jar vnsers reichs vnd in dem ahtzehenden des keisertums.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 726, S. 624