Wir Ludowig von gotes genaden Ro^emischer keiser, ze allen Zeiten merer des reiches, | enb(ie)t^en vnsern mauttnern ze Burchausen vnd ze Scha^erdingen, die ietzo sind oder fu^erbaz werdent, vnser hulde vnd alles gu^ot. Wir wellen vnd gebieten iw^e vesticlichen bei vnsern hulden, daz ir die gaistlichen lu^ete . . den abbt vnd den conuent des gotzhus ze Raytenhaslach an der freyunge, die si auf dem In vnd auf der Saltzach hin aw^e vnd widerwazzers habent, nicht hindert noch irret vnd dheinerlay vorderunge noch mautt von in noch von irn gu^oten vordert oder nemet vnd si auch bei der freyheit vnd gnaden beleiben lazzet nach der brief sag, die si von vns vnd vnsern voruaren seligen dar v^eber habent; des wellen wir mit nichtiu enberen. Geben ze Mu^enchen an eritag nach der o^esterwochen in dem ainen vnd dreizzigisten jar vnsers reichs vnd in dem achtzehenden des keysertu^oms.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 727, S. 625