Nos Chunradus dei gracia prepositus et Conuentus ecclesie Ranshouensis ad perpetuum rei memoriam presentibus confitemur, quod dignum decernimus illarum personarum speciali zelo sic inuigilare saluti pre reliquis, que nos et nostram ecclesiam gracioribus stipendiis dotare liberaliter consueuerunt. Ea propter ex nunc ut in antea in nostra ecclesia oblagerium esse statuimus de nostro consorcio, qui oblagii officium a nobis in comrnisso recipiat, teneat et gubernet et facturus racionem de eodem officio ipsius onera sufferat et ministerium exsequatur. damus insuper eidem oblagerio et officine oblagii possessiones infra scriptas cum omni utilitate et comodo, que exinde poterunt prouenire: In Otendorf quinque solidos reddituum de prato xx. denarios, in steura xxx. Modium auene et quatuor pullos. In Hinterloch datz der feuchten lx. denarios. In Tekenpach 1., In steura xx, Duo predia in merental dimidium talentum, vnum predium in steura xl. seeundum predium in steura Ix. In auchental Ixxx. in steura xx. In dorfiden dimidium talentum. In wilwrechtzreut dimidium talentum. Verum quia nos possessiones predictas ex donacione seu promocione infra scriptorum uidelicet venerabilis domini wolfkeri decani patauiensis, domini Ludwici Gransonis, domini Chunradi iudicis sui, domini Chunradi de veltspach plebani de ering, domini Chunradi stalonis militis, domini Hainrici de wolfperg militis adepti sumus, Nos anniuersarios eorundem in maioribus uigiliis et missarum sollempniis instituimus celebrandos. Statuimus in quolibet anniuersario predictorum per predictum oblagerium in consolacionen (sic) conuentus nostri fratrum et dominarum inpendi dimidium talentum de possessionibus ante dictis et decem pauperes eodem die nichilominus consolari uolentes propter hoe prebendam solitam et debitam minui illo die. Siquit autem de premissis possessionibus super ministerium premissorum anniuersariorum residuari contingat, id oblagerius distribuat infirmario infirmis fratribus inministrandum ad similem aut aniuersariorum graciam benefactores nostros recipientes decernimus omnes et singulos, qui consimiliter se nostris oracionibus suis beneficiis duxerint applicare. Siquit autem contra premissas possessiones natum fuerit accionis, illud prepositus aut celarerius huius loci, qui pro tempore fuerint, expedient suis laboribus et expensis. Statuimus etiam inuiolabiliter perpetuo obseruari, quod, qui in prelatum eligitur nostri loci, iuret ad manus eligencium et promittat hec statuta et alia, qualiacunque per nos sunt deuocius instituta, que eciam priuilegiis ordinarii nostri uidelicet Reuerendi patris et domini nostri domini wernherdi episcopi patauiensis firmiter sunt roborata, sicut in tenore ipsorum priuilegiorum plenius continetur. Statuimus igitur sub uirtute sancte obediencie et sub interminacione diuini iudicii nos et successores nostros, ne aliquis presencium uel futurorum prepositus aut canonicus huius loci contra premissa ueniat, faciat uel attemptet. Acta sunt hec anno domini millesimo tricentesimo in Ranshouen agathe uirginis et martiris.

Source Fulltext: OÖUB 4 (Wien 1867) S. 329-330, Nr. 353