[pagina 1]||
01 JCH, Veltin Kolb der Jung, Burger zue Wachen-||
02 heim, vrkhundt vnnd bekhenne hiemit dießer schrifft für||
03 mich, meine Haußfrauw vnnd Erben, Daß ich rechter,||
04 Redtlicher vnnd bekantlicher Schuldt schuldig worden binn||
05 Den Erbarn Veltin Nageln vnnd Niclauß Ritters, beeden||
06 Burgern alhie vnnd alß geordnete Allmußen Pfleger,||
07 vnnd ihren Nachkhommen, Nemblichen Fünff Gülden,||
08 Jden zue Zwantzig sechs alb[us] Neüwer wehrung ge-||
09 rechnet. Solche itzt gedachte Fünff gulde[n] geredt||
10 vnnd verspreche ich, gemelt Kolb, für mich, meine||
11 Haußfrauw vnnd vnser beeden Erben, Jahrlich vnnd eines||
12 Jden Jahrs besonder vff Martinj oder achttag darnach||
13 ohnegefehrlich mit Sechs alb[us] Vier Pfenning obgemelter||
14 Wehrung zuuerzinnßen vnnd gedachten Allmußen Pflegern||
15 oder ihren Nachkhommen ohne alle costen vnd schaden zue-||
16 reichen vnnd** zue Lüefern, Deßen dann vff Martinj,||
17 Wann man Zahlt Ein dausent Sechs Hundert vnnd**||
18 Drej Zehen Jahr, der erste zinnß dauon fellig ist; vff||
19 Daß aber dieszer Schuldt summa halben vnnd** Jahrlich||
20 Dauon fallenden zinnßes mehrbesagte Allmußen Pflegere||
21 oder ihre Nachkhommen desto sicherer sein mögen,||
22 So habe ich, Schuldnere, für mich, meine haußfrauw vnnd||
23 Erben züe einem rechten, wahren vnderpfandt ein-||
||
[pagina 2]||
24 gesetzt vnnd verschreiben, satze auch hiemit wiszentlich ein||
25 mein vnnd** meiner haußfrauwen ein halb Viertel||
26 Weingert im Bornweg*, oben zue ein gemeiner weg,||
27 vnden zue vnden zue Veltin Blum, ist eigen, nicht||
28 Weiter versetzt oder verpfendt, soll auch vor Abzahlung||
29 Dieszer Schuldt weiter nicht versetzt oder verpfendt||
30 Werden. Dann ich deßhalben dergestalt vnnd Also an-||
31 gelobt vnnd** versprochen: Da ich, Schuldtner, meine||
32 Haußfrauw vnnd** Erben an reichung deß Järlichen zinßes,||
33 auch vff begern Ablößung haubtgeltts säumig||
34 sein würde - welches doch verhoffentlich nicht be-||
35 schehen solle -, Daß alß dann vilgemelte Allmußen-||
36 pfleger oder ihre nach khommen gutt fug vnd||
37 macht haben sollen, vff daß vnderpfandt, wie||
38 alhie recht vnd gewohnheit ist, zueclagen, daßelb||
39 anzugreifen, Damit ihres gefallenß zue schalten vnnd zue||
40 Walten Alß mit Andern deß Allmußens alhie eigenen***||
41 so lang vnnd** Viel, biß Jnen vmb die Außstendige||
42 Zinnß, Haubtgeltt, auch costen vnnd** schaden Völlige||
43 bezahlung beschehen, ohne Jntrag vnser, vnser Erben||
44 oder Menniglichs Von Vnsert wegen, Alle geuehrde||
45 vnnd** Argelist hierinen gentzlich außgescheiden. Obge-||
46 schriebenes alles hiemit wahr Vnnd** noch desto beszer||
||
[pagina 3]||
47 zubekrefftigen, gebe ich, obgemelter Schuldner, disze||
48 Bekantnuß vber**** mich, welche vmb meiner vleißiger||
49 pitt willen Die Ernhafften, Fürsichtig[en], Ersamen||
50 vnnd Weysen Herren Schulttheiß, Burgermeister||
51 vnnd* Rhett alhie mit Gemeiner Statt Wachenheim||
52 Jnsiegel, doch Jnen vnnd** ihren Nachkhommen vnnd**||
53 Gemeiner Statt in andere Weg ohne schaden [et cetera]||
54 besiegelt haben, mich vnnd mein Erben desto mehr||
55 zubesagen. So geschehen vff Martinj, Nach der||
56 gepurth Christj zehlt Dausent Sechs hundert||
57 Vnnd Zwölff Jahr*****.