[pagina 1]||
01 Jch, Ludtwig Lutz, Burger vnd Schneid[er] alhie Zue||
02 Wachenheim, vnd ich, Barbara, sein eheliche Haußfraw,||
03 bekhennen offentlich hiemit dießem brieffe||
04 für vnns vnd vnsere erben, Daß vff vnser||
05 ansuchen vnd beschehen vleißigs pitten in Vnsern||
06 anligenden nöthen, zuuorckom[m]ung Vnsers schadens||
07 vnd beßerung vnsers nutzens Vnns die Erbarn Veltin||
08 Nagel vnd Nicolaus* Ritter, beede Burger vnd||
09 verordnete Allmußenpflegere Zu ermeltem||
10 Wachenheim, güetlichen vorgestreckht vnd gelühen||
11 haben Fünffzehen gülden, Jeden gülden||
12 Zu Zwanzig Sechs alb[us] neüer Wehrung||
13 gerechnet, So wir also baar von ihnen, All-||
14 mußenpflegern, empfangen vnd in Vnsern||
15 nutzen Verwendt, Sie, Allmußenpflegere, deß-||
16 wegen hiemit quittirende. Gereden vndt||
17 Versprechen demnach hieruff für vnns vndt||
18 Vnsere erben, bei Vnsern wahren wortten, treüen||
19 vnd glauben, obgemelte fünff Zehen g[u]ld[e]n haupt-||
20 geltt, So lang wir, Schuldtleüth, die Jnhand[en]||
21 haben vnd nuzen werden, Jährlichen vnd eines||
22 Jeden Jahrs besonder vff Martinj oder Achttag||
23 darnach Vngeuefehrlich[en] mit Neün Zehen alb[us]||
24 Vier Pfenning obig[er] wehrung Zuuerzinnßen||
25 vnd den Jederzeit Verordneten Allmußen pfleg[er]n||
26 zu reichen vnd zu lüffern. Vndt verfelt der||
27 erste zinnß vff Martinij Anno [et cetera] Sechs-||
28 Zehenhundert vnd Zwölff. Damit aber||
29 Sie, Allmußenpflegere, vnd ihre Nachkom[m]en||
||
[pagina 2]||
30 solches außgelühenen geltts vnd Jährlich dauon||
31 fallenden Pention desto beßer versichert||
32 sein sollen vnd mögen, So haben wir ihnen||
33 Zu einem rechten, gewißen Vnderpfandt||
34 eingesezt vnd verschrieben Vnser eigen-||
35 thumblich ein Viertell weingart im thal,||
36 geforcht oben nacher waldt Veltin Gom[m]erß-||
37 heimer, vnden nacher Rhein Matheß Haußherr;||
38 Zinßt Jährlich ein halb logel wein Churf[ürstlicher] Pfalz,||
39 sonsten zinnß frei, ledig vnd eigen, nicht weiter||
40 Versezt oder Verpfändt, soll auch vor ablösung||
41 Dießer Schuldt weiter nicht Versezt oder ver-||
42 pfändt werden. Dergestalt und also: Da||
43 wir, Schuldnere, oder vnsere erben vber** Kurz||
44 oder lange Zeit an außrichtung des Jährlichen||
45 Zinnßes, Auch ablößung hauptgeltts säumig||
46 sein würden, welches doch Verhoffentlich||
47 nicht beschehen soll, Daß alßdann Die||
48 Jederzeit Verordnete [A]llmußenpflegere***||
49 gutt fug vnd macht haben sollen, sich an obigem||
50 Vnd[er]pfandt Zu erholen, Damit zu thun||
51 vnd zu laßen Alß mit Andern des All-||
52 mußens eigenen od[er] erlangten güetern,||
53 so lang vnd Viel, biß demselben vmb die||
54 Außstendige gültten Völlige bezahlung||
55 bezahlung beschehen ohne Jntrag Vnser,||
56 Vnserer erben od[er] Menniglichs von||
57 Vnsert wegen, getrewlich**** vnd ohne||
||
[pagina 3]||
58 geuehrde. Obgeschriebenes||
59 hiemit wahr vnd desto vester zue-||
60 bekrefftigen, geben wir, obgemelte||
61 Ehe- vnd Schuldt leüth, dieße Bekant-||
62 nuß vber** Vnns, Welche durch||
63 vnser vleißig[er] pitt weg[en] Die Ehrn-||
64 hafften, Fürsichtigen, Ersamen vndt||
65 weißen herrn, Schulttheß, Burger-||
66 meister vnd Rhatt alhie, mit Ge-||
67 meiner Statt wachenheim Jnsiegell,||
68 Doch ihnen, ihren Nachkom[m]en vnd Gemeiner||
69 Statt in Andere weg ohne schad[en], be-||
70 sigelt vnd hie für getruckht haben.||
71 So geschehen den 29t[en] Martij Anno [et cetera]||
72 Sechs Zehenheundert vnd zwölff*****.

Source Fulltext: Berthold Schnabel, Deidesheim, Gudrun Räch, Wiltud Hutchison und Elke Meyer, Wachenheim, ehrenamtliche Tätigkeit. Geprüft, überarbeitet und kommentiert von Andreas Kuhn M.A., Neustadt/Weinstraße