Hec est conuentio facta inter Galfridum decanum et capitulum sancti Pauli Lond ex una parte et Petrum filium Iacobi aldermanni ex altera anno domini H regis Anglorum tertii vicesimo quinto mense marcii uidelicet quod idem Petrus concessit et dimisit dicto decano et capitulo duas solidatas quieti redditus de illis quattuor solidatis redditus quas Henricus cultellarius ei annuatim reddere solet de quadam terra quam de eo tenet in uico sancti Clementis iuxta Kandelwiccestrate ex parte orientali que terra iacet inter terram Iohannis de Coudre uersus meridiem et terram quam idem Petrus tenet de predicto decano et capitulo uersus aquilonem habend et recipiendas de predicto H cultellario et heredibus suis ad duos terminos anni uidelicet ad festum sancti Iohannis Baptiste xii denarios et ad natale domini duodecim denarios donec prenominatus Petrus predictam terram quam de decano et capitulo predicto tenet ita sufficienter et competenter hospitauerit quod de redditu suo annuo duorum solidorum in posterum esse securi et tunc predicte due solidate redditus de H cultellario ad predictum P et heredes suos redeant Iacet autem illa terra hospitanda inter terram predicti H cultellarii uersus meridiem et inter terram que fuit Henrici de Waltham que est de feodo Cantuariensis archiepiscopi uersus aquilonem Predictus uero decanus et capitulum omnia arreragia eos contingencia usque ad pascha proximo sequens eodem anno eidem P remiserunt et quieta clamauerunt In cuius rei testimonium capitulum in una parte huius cyrographi Petrus in altera una cum sigillo predicti Henrici tenentis sui signa sua apposuerunt Hiis testibus Thoma de Durhaume tunc aldermano et aliis

Source Fulltext: Early Charters of the Cathedral Church of St. Paul, London. Marion Gibbs. Camden Third Series, V.58. Offices of the Royal Historical Society. London. 1939.