Hec forma pacis prelocute inter Abbatem de fontibus et monachos ex una parte et dominum Willelmum de Perci ex altera super placito moto inter eos in curia domini regis de logiis et clausis per eundem dominum Willelmum factis de Langestroth ad nocumentum eorundem abbatis et in foresta monachorum de Fontibus ut dicitur scilicet quod predicti abbas et monachi pro bono pacis concesserant eidem Willelmo quod ipse et heredes sui habeant bene et in pace imperpetuum sine omni clamio et calumpnia predictorum abbatis et monachorum logiam constructam in superiori parte de Crai Item logias factas ad capellam et logiam de Johanne Twaith et logiam de Reisegil et logiam de Depedale et logiam Beckermotes et logiam de Hucstredescale cum clausis circa easdem logias anno regni regis Henrici filii regis Johannis xxv to ad Pascha constructis Salvo ad communes usus utriusque partis clauso facto super Craibeck quod decommuni assensu factum fuit ad opus equorum suorum quos illuc ad tempus servare voluerint Ita quod idem Willelmus et heredes ejus nuncquam a tempore predicto imposterum plures logias quam tunc facte fuerunt erigere poterunt vel construere neque predicta clausa angere vel dilatare sive de pastura plus in pratum redigere vel includere quam tunc temporis factum et fuerint et inclusum ita tamen quod liceat ei et heredibus suis dictas logias sustentare et calcare ubi voluerit in foresta extra predicta clausa dummodo loca in quibus falcare voluerint in defenso non ponantur nec equi predictorum monachorum cum advenerint denegentur Licebit eciam predicto Willelmo et heredibus suis claudere omnia predicta clausa quam bene voluerint Predicti monachi tenebunt et habebunt bene et in pace pasturam ubicunque in predicta foresta extra clausa prescripta ad quater viginti matrices equas cum sequela sua trium annorum et ad octo stationes cum aysiamentis que continentur in cartis quas inde habent sine omni impedimento vel contradiccione dicti Willelmi et heredum suorum Quod si equi vel eque dictorum monachorum ingrediantur clausa predicti Willelmi non imparcabuntur sed leviter effugabuntur Idem eciam Willelmus et heredes ejus facient forestarios equiciarios et vaccarios suos jurare quod non terrebunt non effugabunt equos predictorum monachorum per cornua vel per clamores sive per aliquod aliud genus terroris quominus libere et plene utantur pastura sua sursum et deorsum in predicta pastura Quod si quis predictorum forestariorum et aliorum prenominatorum maliciose transgressus fuerit dictus Willelmus et heredes ejus eisdem monachis per visum proborum hominum racionabiliter facient emendari Similiter dicti monachi facient equitarios et alios quos habuerint in predicta foresta jurare quod non nocebunt equis vel averiis dicti Willelmi et heredum suorum Et si hoc transgressi fuerint dicti monachi idem dicto Willelmo et heredibus suis per visum proborum hominum racionabiliter facient emendari Sciendum est eciam quod dictus Willelmus concessit de gracia sua quod predicti monachi habeant in communa de Buckden tres vaccas cum sequela unius anni et si dicte vacce cum sequela sua ingrediantur forestam non imparcabuntur neque clausabuntur Concessit insuper eisdem monachis ad opus equiciariorum suorum sufficiens focale in predicta communia de Buckden imperpetuum In cujus [...]

Source Fulltext: Percy Cartulary. M. T. Martin. Surtees Society, V.117. Surtees Society. Andrews & Co. Durham. 1911.