Hec est finalis concordia facta in curia domini regis apud Westmonasterium anno xxxiiii regni regis Henrici secundi die sabbati proxima post festum omnium sanctorum coram Iohanne Norwicensi episcopo et Rannulfo de Glanuilla et Huberto Ebor[] decano et Godefrido de Luci et Ricardo de thesauro domini regis et Radulfo archidiacono de Hereford[] et Rogero filio Reinfrei et Radulfo archidiacono de Colec[] et aliis fidelibus domini regis ibi tunc presentibus inter abbatem sancti Edmundi et Robertum de Codeham per Robertum de Flamuilla senescallum ipsius abbatis quem ipse abbas posuit loco suo in curia domini regis ad luctandum uel perdendum de aduocatione ecclesie de Boxford[] quam ipse abbas clamauit uersus ipsum Robertum et unde Robertus qui aduocationem illam tenebat posuit se in assisa domini regis et petiit recognitionem quis eorum maius ius in aduocatione illa haberet Scilicet quod predictus Robertus recognouit predicto abbati medietatem illius aduocationis ut ius suum et illam ei quietam reddidit et successoribus suis de se et heredibus suis Et illa medietas illius aduocationis remanet quieta predicto Roberto et heredibus suis in perpetuum Et pro hac concordia dedit predictus abbas predicto Roberto x marcas argenti

Source Fulltext: Feudal Documents from the Abbey of Bury St. Edmunds. D. C. Douglas. Records of the Social and Economic History of England and Wales. British Academy. Oxford University Press. London. 1932.