Sciant presentes et futuri quod ego Matheus le Boltere de Oxonia dedi concessi et hac pres[enti carta mea con]firmaui Waltero filio Reginaldi Molendinarii et Alitie Teytrici uxori sue domum m[eam cum pertinentiis suis] que sita est inter terram Ricardi Marscalli et terram quam Iohannes Marscallus cepit cum Matilde uxore su[a in parochia sancti] Petri orientalis Oxonie extra portam orientalem in suburbio eiusdem uille habend et tenend dictam do[mum cum pertinentiis] sibi et heredibus suis uel suis assignatis de me et heredibus meis uel meis assignatis excepta illa selda ex parte [orien]tali dicte domus cum tanta quantitate curtilagii quanta pertinet ad dictam seldam in longitudine et latitudine sicut mete docent et habundant libere quiete bene pacifice iure et hereditario in perpetuum reddendo inde annuatim hospitali sancti Iohannis extra portam orientalem Oxonie et fratribus eiusdem loci tres solidos ad quatuor anni terminos uidelicet ad festum sancti Michelis nouem denarios ad festum beati Thome apostoli nouem denarios ad festum beate Marie in Martio nouem denarios et ad festum Natiuitatis sancti Iohannis Baptiste nouem denarios et michi et heredibus m[eis uel meis assignatis] sex denarios ad duos anni terminos uidelicet ad festum sancti Michelis tres denarios et ad festum beate Marie in Martio tres denarios pro omni seruitio seculari exactione et demanda Et ego predictus Matheus et heredes mei uel mei assignati warantizabimus acquietabimus et defendemus predictam domum cum pertinentiis excepta dicta selda cum quantitate dicti curtilagii dictis Waltero et Alitie et heredibus suis uel suis assignatis contra omnes gentes mares et feminas tam Iudeos quam Cristianos per predictum seruitium Pro hac autem donatione concessione warantizatione acquietatione defensione et presentis carte mee confirmatione dederunt michi predicti Walterus et Alitia q[uinque] libras et sex solidos et octo denarios in gersummam pre manibus Et ut hec omnia predicta firma et stabilia permaneant [imperpetuum] hanc cartam sigilli mei inpressione corroboraui Hiis testibus Henrico Owein tunc maiore Oxonie Elya le q[uilter et Ni]cholao Aurifabro tunc balliuis Willelmo de Eu Willelmo le Espicer Philippo de Eu Iohanne de Eu Willelmo Pille Martino Exem[platore] [...] ligatore librorum Iohanne Marscallo Philippo le Notario Ricardo Marscallo Oliuero le Pheliper Iacobo clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.