Hec est conuentio facta die sancte Fidis uirginis anno domini mccl inter Walterum Haygmundi ex una parte et Iohannem de Chelebautone magistrum Domus Dei Sutht ex altera uidelicet quod dictus Walterus tradidit et dimisit dicto Iohanni totam terram suam de Eukrebir cum mesuagio suo et omnibus pertinentiis suis ad firmam habend et tenend a dicto die usque ad duodecim annos completos per xl solidos sterlingorum quos ab eo recepit pre manibus Idem uero Iohannes aut sui assignati reddent singulis annis dicto Waltero et uxori eius unum quartarium frumenti contra Natale et i quartarium ordei et ii quartaria auene ad purificationem beate Marie et facient pro eo domino feodi seruitium quod ad ipsam terram pertinet scilicet reddent duos solidos ad festum sancti Michaelis In fine uero dicti termini dicta terra ad dictum Walterum et suos heredes in statu quo eam recepit libere reuertatur In cuius rei testimonium factum est inter partes hoc scriptum cyrographatum et suis signis signatum Hiis testibus Iohanne Islebone Nigello de Bocland Willelmo Fortin Willelmo Spileman et aliis

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.