Nouerint omnes quod Nicholaus prior Sancti Dion iuxta Suth et magister Ricardus dictus Anglicus executores testamenti Claremunde mulieris de Suth defuncte concesserunt et assignauerunt pro anima eiusdem mulieris ad pittanciam conuentus dicte ecclesie singulis annis in perpetuum die anniuersarii ipsius defuncte duos solidos annui et quieti redditus percipiendos de quodam mesuagio quod fuit eisdem defuncte extra portam borealem uille Sutht uersus Magdalen ex orientali parte uici inter tenementum quod fuit Iohannis Elys ex australi parte et tenementum quod fuit Radulfi Longi ex parte aquilonari Et pro hac concessione et assignatione remiserunt canonici dicte ecclesie dictis executoribus et quibuscumque aliis quos negotium tangit omnem actionem et querelam quam habebant aduersus eosdem executores seu quoscumque alios pro defectu warantie quatuor solidorum redditus in suburbio uille Sutht super strondam quam eadem Claremunda per cartam suam eisdem canonicis debuit fecisse In cuius rei testimonium presenti scripto supradicti executores sigilla sua apposuerunt Dat mense Septembris anno domini mcclxxvi

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.