sciant presentes et futuri quod ego Milisent filia Eustachii de Frescheuile et uxoris eius Dionisie et Steffanus filius et heres meus assensu et consilio Milonis qui tunc temporis custodiam nostri et terre nostre habuit pro salute animarum nostrarum et parentum nostrarum dedimus [etc] monachis de Thama unam uirgatam terre nostre in Nortone liberam et quietam ab omnibus seruiciis et consuetudinibus et exactionibus que ad nos et heredes nostros pertinent ut puram elemosinam saluo seruitio domini regis et Bernardi de sancto Walerico Et quia ipsa uirgata de dominico nostro est et nec mesuagium nec curtilagium habet concessimus eis et dedimus xx acras in uno campo et xx acras in alio cum prato et pastura quantum ad unam uirgatam pertinet in predicta uilla Que acre ut eis designate sunt iacent per campos in his culturis scilicet in orientali parte de Doddesuelle duas in occidentali eiusdem fontis unam subtus domum Seuari unam retro salices Seuari tres in Benefurlong duas in Garstone Bernardi duas ultra Sudereslade duas in superiori cultura duas apud Brokeneberge unam apud Langeberge unam a la Steorte unam apud Haneberge unam ad Rugwai unam in alio campo in cultura ultra domum Reginaldi duas acras in Langefurlong duas iuxta grauam unam in superiori cultura unam ultra grauam in oriente unam ad Mereslade unam in cultura super Netle Wido[nis] quatuor ad capud eiusdem culture unam ad Goldeberge duas contra campos de Esthalle duas iuxta uiam de Bureford unam ad Depe Crundele duas Et quia predicti monachi nos adiuuerunt de xxxv marcis argenti ad adquietandum predictam terram nostram in Nortone uersus Bernardum de sancto Walerico hanc uirgatam eis warantizare debemus Et si eam warantizare non possumus aliam ad eandem ualentiam eis dare debemus in eadem uilla Hanc donationem et cartam eis fecimus et terram hanc scilicet uirgatam terre eis dedimus anno ab incarnatione domini mclxxxvii ad Pasca proximum postquam Hugo Lincolniensis episcopus consecratus fuit Testibus Aluredo sacerdote Ricardo de Uernun Roberto Dalmari Willelmo de Chennei Waltero de Westbyri Radulfo Hareng Roberto de Estron et multis aliis

Source Fulltext: Cartulary of Thame. H. E. Salter. Oxfordshire Record Society, V.24. Oxfordshire Record Society. Oxford. 1947.