Sciant presentes et futuri quod ego Robertus Bagard per assensum et concensum Alitie uxoris mee dedi concessi et hac presenti carta mea confirmaui et omnino quietum clamaui deo et beate Marie et magistro hospitalis sancti Iohannis extra portam orientalem Oxonie et eiusdem loci fratribus totum ius meum quod habui uel habere potui in terra mea de Kyboldestrete que quidem terra iacet inter terram Stephani le Macun ex una parte et aulam que uocatur Winhalle ex altera habend et tenend predicto magistro et predictis fratribus et eorum successoribus pro me et heredibus meis uel meis assignatis libere quiete bene et in pace imperpetuum Pro hac autem donatione concessione et quieta clamatione relaxauerunt michi predicti magister et fratres duodecim solidos de arreragiis annui redditus eiusdem terre in quibus dicto hospitali tenebar Et ut hec mea donatio concessio et quieta clamatio rata et stabilis et inconcussa permaneat imperpetuum presens scriptum sigilli mei inpressione corroboraui hiis testibus Nicholao de Kyngestone tunc maiore Oxonie Galfrido Aurifabro Nicholao de Coleshulle tunc balliuis Waltero Aurifabro Willelmo le Spicer Elya le Queilter Iohanne Filekynge Martino le Samplarier Willelmo le Barbur Willelmo Pille Iohanne le Marescal Philippo et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.