Sciant praesentes et futuri quod nos Reginaldus Dei gratia abbas et conventus Sancti Petri Gloucestriae concessimus et tradidimus fratri Willelmo de Schrivenham priori nostro de Kylpeke et ejus successoribus omnia curtillagia quae emimus de Rogero Walensi de Sancto David cum croftis mesuagiis et aedificiis superpositis quae quidem per annum aestimantur ad valorem octo solidorum habend et tenend de nobis et successoribus nostris sibi et successoribus suis pro septem solidis sterlingorum annuatim nobis solvendorum videlicet medietatem ad festum Annunciationis Dominicae et aliam medietatem ad festum Sancti Michaelis pro omni servitio et exactione ad nos inde pertinente Et ne haec nostra concessio et traditio processu temporis a memoria futurorum posset auferri huic scripto cyrographato inter nos sigilla nostra sunt appensa et apposita Acta sunt haec apud Gloucestriam in pleno capitulo die Sancti Marcelli anno Domini millesimo ducentesimo septuagesimo sexto

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.