Sciant presentes et futuri quod ego Ricardus de Othulvesho dedi concessi et hac presenti carta mea confirmavi Basilie filie mee et heredibus suis vel suis assignatis sive eorum heredibus pro homagio et servicio suo et pro tribus marcis argenti quas michi dedit in gersumam duas acras et dimidiam terre mee arabilis cum omnibus pertinentiis suis et cum via rationabili ad cariandum ad dictam terram in villa de Gestingthorpe iacentes in campo vocato Thurkyldescroft inter terram Thome filii Willelmi de Gestingthorpe et terram Huberti Hawenyld[] nativi domini Hugonis filii Othonis et abuttant ad unum capud super terram Willelmi Sygor de Wicham canonicorum sancti Pauli et ad aliud capud super terram persone de Gestingthorpe que vocatur Esfeld[] habendas et tenendas de me et heredibus meis vel meis assignatis predicte Basilie et heredibus suis vel suis assignatis vel cuicumque terram illam cum pertinentiis suis dare vendere legare vel quocumque modo assignare voluerit vel quandocumque et in quocumque statu sit libere quiete bene et in pace honorifice iure hereditarie imperpetuum plenarie reddendo inde annuatim michi et heredibus meis vel meis assignatis illa et heredes sui vel sui assignati quatuor denarios et obolum ad duos anni terminos scilicet ad Pascha duos denarios et quadrantem et ad festum sancti Michaelis duos denarios et quadrantem pro omnibus serviciis consuetudinibus sectis curie et demandis secularibus salvo servicio domini regis scilicet ad scutagium quadraginta solidorum cum evenerit unum obolum et ad plus plus et ad minus minus Et ego predictus Ricardus et heredes mei vel mei assignati warantizabimus acquietabimus et defendemus predictam terram cum omnibus suis pertinentiis predicte Basilie et heredibus suis vel suis assignatis per predictum liberum servicium contra omnes gentes imperpetuum et ut hec mea donacio concessio et presentis carte mee confirmacio perpetue firmitatis robur in se possideant presentem cartam sigilli mei impressione corroboravi Hiis testibus domino Gilberto de Dina milite Nicholao clerico Roberto de Chelmeshoo Hugone filio Rogeri Willelmo de Leffeldewelle Nicholao de Cruce Waltero Damage et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.