Sciant presentes et futuri quod ego Willelmus de Chiltone in libera potestate mea dedi concessi legaui et presenti carta mea confirmaui Henrico de Boteley pro seruitio suo totum illud mesuagium cum pertinentiis quod uocatur Chapelhalle situatum inter terram abbatis de Oseney ex una parte et terram Galfridi le Mercer ex alia in magno uico Oxonie uersus portam orientalem in parrochia beati Petri orientalis habend et tenend de me et heredibus meis sibi et heredibus suis uel suis assignatis saluo redditu principali scilicet uiginti solidos ad quatuor anni terminos scilicet ad festum sancti Michelis quinque solidos et ad festum Natalis Domini quinque solidos et ad festum beate Marie in Martio quinque solidos et ad festum beati Iohannis Baptiste quinque solidos et ad eundem festum michi et heredibus meis unam rosam Et ego predictus Willelmus et heredes mei warantizabimus defendemus et acquietabimus predictum mesuagium cum pertinentiis predicto Henrico et heredibus suis uel suis assignatis contra omnes mortales in perpetuum Et ut hec omnia predicta firma et stabilia permaneant huic scripto sigillum meum apposui hiis testibus Nicholao de Kingestone tunc maiore Oxonie Galfrido de Henxey Willelmo Speciario tunc prepositis Galfrido Aurifabro Iohanne de Coleshulle Rogero le Bolter Stephano le Lyur Wimundo le Lingedraper Willelmo de Pillorio Iohanne Philekinge et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.