Nouerint uniuersi Christi fideles presens scriptum uisuri uel audituri quod cum lites essent mote inter fratrem Walterum de Enerardemeuille generalem procuratorem prioris et conuentus de Longauilla in Anglia constitutum et Robertum rectorem ecclesie de Morton super decimas garbarum prouentibus de tenementis Willelmi filii Reginaldi de Mortun et Gilberti filii Martini de Mortun de feodo comitis Giffard coram iudicibus delegatis et heedem lites aliquamodo suspense ne de cetero heedem lites inter dictas personas uel eorum successores possent suscitari conquieuerunt in hunc modum uiz in uigilia Assumptionis beate Marie anno gracie milesimo cc quinquagesimo primo in ecclesia de Mortun in capitulo ibidem celebrato confitebatur idem rector personaliter in iuditio constitutus omnes decimas garbarum prouenientium de duabus hidis terre de tenemento quod quondam tenuit Walterus Burgan in uilla de Morton esse ius dicti prioris et conuentus de Longauilla et ad eosdem de iure pertinere et neque se neque suos successores aliquod ius ratione ecclesie de Mortum in dictis decimis posse contendere habere quas quidem decimus dictus rector in dicto capitulo dicto procuratori nomine dicti prioris et conuentus tanquam ius eorum plene et absolute pro se et ecclesia sua de Mortum in perpetuum resignauit Et ne supradicta alicui de cetero possint uenire in dubium dominus archidiaconus Bukingham et decanus eiusdem loci sigilla sua una cum sigillis predicti Roberti rectoris ecclesie de Mortun huic presenti scripto apposuerunt hiis testibus magistro Radulfo de Cropper tunc temporis offitiali domini archidiaconi Bukingham dominis Willelmo Laurentio Eustachio de Lillingston et de Acle et de Foxcot rectoribus ecclesiarum et dominis Luca et Ricardo de Stowe et de Euershawe uicariis magistro Iohanne dicto le Mayor de Buk Iohanne Musard clerico et pluribus aliis

Source Fulltext: Newington Longeville Charters. H. E. Salter. Oxfordshire Record Society, V.3. Oxfordshire Record Society. Oxford. 1921.