Notum sit omnibus ad quos presens scriptum peruenerit quod ita conuenit inter dominum A abbatem et conuentum Oseneye ex parte una et dominum Alexandrum rectorem ecclesie sancti Budoci Oxon ex altera uidelicet quod idem Alexander remisit et quietum clamauit predictis Abbati et Conuentui totum ius quod habuit uel habere potuit in firma quam habuit de magistro Iohanne de Budiford scilicet de terra que fuit quondam Willelmi de la Barre quam quidem firmam magister Iohannes tenuit de Radulfo le Deue tenend et habend dictis Abbati et Conuentui bene et in pace plene et integre ita quod nec dictus Alexander nec successores sui nec aliquis suorum umquam poterunt aliquid iuris in predicta firma uendicare Pro hac autem remissione et quieta clamatione dictus Abbas et Conuentus dederunt predicto Alexandro unam marcam argenti et etiam renuntiauerunt omni actioni quam habuerunt erga predictum Alexandrum ratione dicte firme Predictus uero Alexander warantizabit omnia predicta dicto Abbati et Conuentui contra predictum magistrum Iohannem de Budiford usque ad terminum octodecim annorum plene completorum In cuius Acta anno domini mcc quinquagesimo primo dominica proxima ante festum Assumptionis presentibus magistro Eustachio de Normanuile fratre minore et magistro Iohanne le Noble et magistro Rogero de Barthon et domino Roberto de Basingestoke capellano et domino Ricardo capellano sancti Thome Oxon et domino Bartholomeo capellano de Aula domini Regis et aliis

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.