Uniuersis sancte matris ecclesie filiis literas presentes uisuris uel audituris Ricardus clericus de Waddun salutem in domino Nouerit uniuersitas uestra quod ego Ricardus de Waddun tradidi magistro Roberto de Witham ad firmam omnes decimas de dominicis de Witham quas teneo nomine monachorum de Longauilla habendas et tenendas per vi annos a Pascha proximo ante bendictionem Roberti abbatis Abendon pro vii marcis reddendis inde michi annuatim ad Natiuitatem beati Iohannis Baptiste quibus finitis redibunt predicte decime in manus predicti Ricardi sine aliqua contradictione et reclamatione magistri Roberti Si uero humanitus interim de predicto Ricardo contingat predictus magister Robertus tenebit easdem decimas sub eadem firma a monachis de Longauilla usque ad predictum terminum Quo finito restituet magister Robertus easdem decimas dictis monachis sine omni difficultate et reclamatione hanc autem conuentionem bona fide se esse obseruaturos tam dictus Ricardus quam dictus Robertus iurauerunt et in huius rei testimonium dominus Thomas procurator monachorum de Longauilla sigillum suum utriusque partis dominus G archidiaconus Berk et magister W offitialis domini Sar litteras presentes sigillis suis roborauerunt hiis testibus domino Iohanne persona de Henred Simone persona de Hildeslay Willelmo de Witham et Edmundo de Henred capellanis et Iohanne seruiente monachorum de Longauilla

Source Fulltext: Newington Longeville Charters. H. E. Salter. Oxfordshire Record Society, V.3. Oxfordshire Record Society. Oxford. 1921.