Noverint universi ad quos presens scriptum pervenerit quod Dominus Rogerus de Monte Alto pro se et Cecilia uxore sua ac heredibus suis dedit concessit et presenti scripto confirmavit nobis Willelmo et conventui de Covintr[] ac successoribus nostris totum jus et clamium quod habuit vel habere potuit aut poterit in toto manerio de Covintr[] ac in omnibus rebus et locis ad idem manerium infra et extra qualitercumque et ubicumque spectantibus videlicet in boscis planis viis semitis pascuis pratis acquis excepto tamen vivario dicti Rogeri sibi Cecilie ac heredibus eorum quod scilicet est infra parcum suum que videlicet ad dictum Rogerum et Ceciliam uxorem suam ac heredes eorum aliquo tempore vel aliqua ratione spectabant aut spectare poterunt unacum advocatione ecclesie sancti Michaelis omniumque capellarum ad eandem pertinentium cum omnibus pertinentiis suis ac etiam unacum warenna quam Dominus Rex Angl[] dictis Rogero Cecilie ac heredibus suis dudum concessit salvis tamen eisdem rogero Cecilie ac heredibus eorum liberis cursibus in eadem warenna cum personaliter advenerint et moram fecerint in manerio predicto quod videlicet manerium dictus Rogerus pro se et Cecilia uxore sua ac heredibus suis nobis et successoribus nostris adeo libere possidendum cum omnibus pertinentiis suis concessit sicut unquam ipsi aut aliqui antecessorum suorum illud tenuer[u]nt aut possederunt exceptis tamen et salvis dictis rogero Cecilie ac heredibus eorum manso suo apud Cheilesmor[] cum parco incluso et habitatione fratrum minorum juxta eundem parcum sita et inclusa ac eisdem fratribus assignata salvis dictis Rogero et Cecilie ac heredibus suic homagiis et serviciis Domini Gilberti de Segrave in Kaleudon[] Willelmi de Olneya in Asthull[] et Olneya Vitalis de Folkeshull[] in Folk[] Walteri Deivill[] in Whitel[] Stok[] et Covintr[] Roberti de Stok[] in Stok[] Milonis Gerebold in Whitel[] Hugonis de Log[] in Sowe et heredum omnium predictorum cum releviis escaetis et omnibus aliis ad terras et tenementa ipsorum pertinentibus exceptis etiam et salvis dictis rogero Cecilie ac heredibus eorum homagiis et serviciis Hugonis Dispensatoris in Luhteburg[] Radulfi de Bracebrug[] in Kynesbur[] Willelmi le Botiler in Eccleshal[] et Folkeshull[] heredum Roberti Tuschet in Keresl[] Comitis Warwic et Wydonis filii Roberti Jacobi de Audethel[] in Folkeshull[] et Eccleshal[] Walteri de Langel[] in Wick Thome le Yreis in Anesty Thome de Neuvill Walteri de Covintr[] in Stok[] Gilberti de Preston Johannis le Pouere in Takkel[] Alexandri Doville in Takkel et heredum omnium predictorum cum releviis escaetis et omnibus aliis homagiis et serviciis militaribus et non militaribus ad terras et tenementa omnium predictorum pertinentibus salvis etiam dictis rogero Cecilie ac heredibus suis homagiis et serviciis militaribus cum releviis et escaetis et aliis pertinentiis omnium aliorum ubicumque fuerint in Angl[] ad dictum manerium de Covintr[] spectantibus salvis tamen nobis et successoribus nostris omnibus serviciis omnium burgagiorum cum pertinenciis omnium scilicet predictorum militum et omnium aliorum ubicumque fuerint in Angl[] si que habent in dicto manerio de Covintr[] salvis etiam nobis et successoribus nostris omnibus aliis tenementis cum pertinenciis ad idem manerium pertinentibus que non sunt de feudo militari ubicumque fuerint exceptis semper et salvis domino rogero Cecilie et heredibus suis predictis homagiis et serviciis cum pertinenciis omnium prenominatorum ut dictum est absque omni impedimento nostro vel successorum nostrorum salvis etiam dictis rogero Cecilie et heredibus suis libere tenencium suorum libertatibus quos habere debent et habere consuever[u]nt de jure in bosco et manerio de Covintr[] cum pertinentiis sine impedimento nostro vel successorum nostrorum excepta et salva dictis rogero Ceeilie et heredibus suis domo leprosorum de Spanna eum pertinenciis salvis etiam dictis rogero Cecilie et heredibus suis lignis focalibus ad focum suum et ad carbonem faciendum sufficienter sine wasto quociens apud Covintr[] personaliter venerint et ibidem moram fecerint et palis ad claudendum parcum suum cum neccesse fuerit et hoc per visum et liberationem forestariorum nostrorum et successorum nostrorum sine impedimento aliquo Quod si forte aliqui malefactores qui de nostra et successorum nostrorum fuerint potestate dampnum fecerint in dicto parco et inventi fuerint nos et successores nostri capiemus de ipsis festinas emendas ad opus dictorum rogeri et heredum suorum secundum quantitatem forisfacti Preterea si aliqui qui non fuerint de potestate nostra vel successorum nostrorum forisfecerint in eodem parco et se in fugam verterint homines nostri et successorum cum clamore debito ipsos insequentur et capient si fieri possit et liberabunt eos ballivis dictorum rogeri Cecilie et heredum suorum Item si aliqui de hominibus nostris vel successorum nostrorum forisfecerint alicui de hominibus dictorum rogeri Cecilie ac heredum suorum nos et successores nostri capiemus de eis similiter festinas emendas ad opus eorundem rogeri Cecilie et heredum suorum Item quocienscumque dicti rogerus Cecilia et heredes sui neccesse habuerint distringere feoda sua infra comitatum Warwic[] nos et successores nostri prestabimus eisdem auxilium per ballivos et homines nostros ad distringendum dicta feoda quociens ad hoc fuerimus interpellati Item dicti rogerus Cecilia et heredes sui libere facient mutuationes et capturas suas in villa de Covintr[] usque ad terminum quadraginta dierum completum Item si homines de Cestr[] vel de aliis locis forisfecerint dictis rogero Cecilie et heredibus suis iidem et heredes sui liberam habebunt potestatem distringendi eos in villa de Covintr[] per ballivos suos et heredum suorum simul cum ballivis nostris et successorum nostrorum secundum leges et consuetudines ipsius ville Preterea fratres hospitalis sancti Johannis de Covintr[] habebunt de bosco de Covintr[] qualibus septimana unam carecatam bosci per visum et liberationem forestariorum nostrorum Dictus vero Rogerus pro se et Cecilia uxor sua et heredibus suis warantizabit in perpetuum nobis et successoribus nostris dictum manerium cum suis pertinenciis omnibus ut dictum est contra omnes homines et feminas Pro hac autem donacione et concessione solvemus nos et successores nostri dictis rogero et heredibus eorum annuatim in perpetuum centum libras sterlingorum ad quatuor terminos anni scilicet infra octabas sancti Andree viginti quinque libras infra octabas sancte Marie in Marcio viginti quinque libras infra octabas sancti Johannis Baptiste viginti quinque libras et infra octabas sancti Michaelis viginti quinque libras et preterea singulis annis monialibus de Pollesworth decem marcas ad duos terminos scilicet ad Pascha quinque marcas et ad festum sancti Michaelis quinque marcas quas videlicet decem marcas nos et successores nostri solvemus dictis rogero Cecilie et heredibus suis ad eosdem terminos annuatim in perpetuum sicque per manus ipsorum rogeri Cecilie ac heredum suorum fiet solutio annua monialibus antedictis Fiet autem ista solutio scilicet tam centum librarum quam decem marcarum predictarum in domo dictorum rogeri et Cecilie ac heredum suorum apud Cheilesmor[] a nobis et successoribus nostris eisdem rogero Cecilie et heredibus suis vel attornatis eorundem litteras ipsorum patentes super hoc deferentibus quod si nos vel successores nostri cessaverimus a solucione dictarum centum librarum et decem marcarum in aliquo termino predicto ut dictum est scilicet infra octabas predictas dabimus dictis rogero Cecilie et heredibus eorum infra octo dies dictas octabas proximo sequentes decem libras nomine debiti quas si tunc non solverimus liceat dictis rogero Cecilie et heredibus suis nos et successores nostros distringere infra dictum manerium de Covintr[] tam pro eisdem decem libris quam pro firma principali Liceat etiam vicecomiti Warewic qui pro tempore fuerit nos et successores nostros per terras et catalla distringere in comitatu Warewic[] extra Covintr[] usque ad plenariam solutionem tam dictarum decem librarum quam firme principalis Quicquid autem dicti rogerus Cecilia et heredes sui occasione dicte pecunie non solute expenderint nos et successores nostri plenarie refundemus eisdem per visum fidedignorum et legalium virorum sine omni dilacione impedimento dolo et fraude Nos vero prior predictus de consensu conventus nostri pro nobis et successoribus nostris subiecimus nos jurisdictioni domini Episcopi Covintr[] qui pro tempore fuerit ad compellendum nos ad plenariam et fidelem observationem omnium predictorum sub pena excommunicationis et interdicti In quorum omnium robur et testimonium huic scripto inter dictos rogerum Ceciliam et heredes eorum et nos per modum cyrographi diviso tam sigilla dictorum Rogeri et Cecilie uxoris sue predicte quam sigillum nostrum unacum signo capituli nostri alternatim sunt appensa Testibus Henrico de Hasting[] Gilberto de Segrave Galfrido de Langel[] Willelmo de Burmingham Fuleone de Orreby Roberto de Hondesacre tunc senescallo Roberto de Grendon[] Willelmo Trussell[] Hugone de Loges Galfrido de craft Vitale de Folk[] et aliis

Source Fulltext: The Early Records of Medieval Coventry. P. R.Cross. Records of Social and Economic History, New Series 11. British Academy. Oxford University Press. London. 1986.