Notandum quod cum prior de Horsleye inpediuit Ricardum de Ludesmore factum theyingmannum et juratum coram Adam de Yllega et aliis balliuis abbatis C post quam predictus prior recognouit in curia regis quod balliui abbatis C debent ingredi ad faciendum quicquid pertinet ad officium vicecomitis predicti balliui distrixerunt predictum priorem quod ueniret ad curiam C responsurus de supradicta transgressione Et prior districtus deliberauit aueria sua per breue regis et posuit loquelam ad bancum London[] Et postea returnatum fuit breue apud Glouc[] post Pascha coram domino Gilberto de Preston[] et sociis suis anno r r Henrici filii regis Johannis xl quinto et ibi placitatum et terminatum fuit forma subscripta sc quod prior dat i m pro licencia concordandi et cetera Et est concordia talis quod predictus prior cognouit quod balliui ipsius prioris presentare debent decenarium coram balliuis predicti abbatis in plena curia ipsius prioris de Horsleye ad duos turnos balliuorum predicti abbatis cum necesse fuerit quod aliquis decenarius ammoueatur et alius loco ipsius instituatur et coram balliuis ipsius abbatis sacramentum prestare debet Nec licebit predicto priori nec balliuis suis predictos decenarios ammouere nisi racionabili de causa et hoc in presencia balliuorum predicti abbatis

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.