Carta doni Rogeri de Portu de ecclesia Sancti Gudlaci de castello Herfordiae anno ab Incarnatione Domini millesimo centesimo quadragesimo tertio Ego Rogerus de Portu annuente Sibilla conjuge mea pro Dei amore pro salute animarum patris et matris meae [et] omnium antecessorum meorum pro remissione peccatorum [meorum] et praefatae conjugis meae omnium propinquiorum meorum dedi et in perpetuum concessi in elemozinam per manum reverendi patris nostri Roberti Herfordensis episcopi Deo et ecclesiae Sancti Petri de Gloucestria ecclesiam Sancti Cuthlaci de castello Herfordiae cum omnibus praebendis libertatibus dignitatibus et caeteris rebus quas ipsa ecclesia meo tempore vel tempore patris mei obtinuit et hoc ad victum monachorum qui sub magisterio et dispositione Gloucestriae ecclesiae apud Herfordiam ordinem servaverint et conventum fecerint Hujus donationis testes sunt Robertus Herfordensis episcopus [episcopus] de Sancto David Milo comes Herfordiae Rogerus Filiorem magister Hugo de Clifford cum aliis multis Originalem Herefordia habet

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.