Hec est conuentio facta inter dominum Thomam priorem et conuentum Wygorn[] ex una parte et dominum Ricardum abbatem et conuentum Rading[] ex altera Videlicet quod dicti prior et conuentus Wygorn[] pro se et successoribus suis inperpetuum concesserunt prefatis abbati et conuentui Rading[] et successoribus eorum inperpetuum unam virgatam terre in Thidinton[] de tenemento quondam Walteri filii Mauricii de Bromhal[] Item aliam virgatam terre de eodem tenemento quam dictus Walterus vendidit prefatis priori et conuentui Wygorn[] Item duas virgatas terre de tenemento quondam Ricardi de Bonetlega Item duas virgatas terre et dimidiam de tenemento Willelmi de Norfolk[] Habendas et tenend sibi et successoribus suis inperpetuum libere quiete et pacifice Reddendo inde memoratis priori et conuentui Wygorn[] singulis annis apud Alueston[] decem solidos ad duos anni terminos scilicet ad Annunciationem beate Marie quinque solidos et ad festum sancti Michahelis quinque solidos pro omni seruicio et exactione Dictus uero abbas sequitur per attornatum cum litteris suis patentibus curiam dicti prioris et conuentus Wygorn[] apud Alueston[] pro predictis terris ad rationabilem summonitionem Et sciendum quod dicti abbas et conuentus Rading[] non intrabunt aliquo modo de cetero in aliqua portione feudi dictorum prioris et conuentus Wygorn[] nisi de eorum consensu et voluntate Item sciendum quod quilibet abbas Rading[] in prima creatione sua soluet sepedictis priori et conuentui Wygorn[] nomine releuii decem solidos pro predictis terris excepto prefato annuo redditu Et ut predicta perpetue firmitatis robur optineant prior et conuentus Wygorn[] et abbas et conuentus Rading[] presenti scripto in modum cirographi confecto signa sua alternatim apposuerunt Actum die mercurii in ebdomada Pentecosten anno domini mccl octauo

Source Fulltext: The Cartulary of Worcester Cathedral Priory. R. R. Darlington. Pipe Roll Society, V.76, New Series V.38. Pipe Roll Society. J. W. Ruddock. London. 1968.