Hec est finalis concordia facta in curia domini regis apud Eboracum a die sancti Johannis Baptiste in quinque septimanas anno regni regis Edwardi filii regis Henrici octavo coram Johanne de Vallibus Willelmo de Maham Rogero Louedy Johanne de Metyngham et magistro Thome de Maitdurton justiciariis itinerantibus et aliis domini regis fidelibus tunc ibi presentibus inter Thomam abbatem de Sallay querentem per fratrem Robertum de Werreby monachum suum positum loco suo ad lucrandum ut perdonandum et Henricum priorem de Parco de Helagh deforciantem de decem solidis qui ei a retro fuerunt de annuo redditu decem solidorum quem ei debet unde placitum convencionis summotum fuit inter eos et in eadem curia scilicet quod predictus prior recognovit predictum redditum cum pertinenciis esse jus ipsius abbatis et ecclesie sue sancte Marie de Sallay Et preterea idem prior concessit pro se et successoribus suis et ecclesia sua sancti Johannis Evangeliste de Parco quod ipsi de cetero reddent singulis annis predicto abbati et successoribus suis et ecclesie sue predicte triginta solidos sterlingorum apud Cathertona simul cum predictis decem solidis ad duos terminos scilicet medietatem ad festum sancti Martini in hieme et altera medietate ad Pentecostem Et si contingat quod predictus prior vel successores sui in solucione pre dictorum denariorum ad aliquem terminum defecerint bene licebit eidem abbati et successoribus suis ipsos distringere per omnia catalla sua in predicta villa de Catherton inventa usque ad plenam solucionem denariorum qui a retro fuerunt de illo termino Et pro hac recognicione concessione fine et concordia idem abbas remisit et quietumclamavit de se et successoribus suis et ecclesia sua predicta predicto priori et successoribus suis et ecclesie sue predicte totum jus et clameum quod habuit in communa pasture de Hagandeby in perpetuum

Source Fulltext: Chartulary of the Augustinian Priory of St. John the Evangelist of the Park of Healaugh. J. S. Purvis. Yorkshire Archaeological Society, V.92. Yorkshire Archaeological Society. West Yorkshire Print Co. Wakefield. 1936.