Acta apud Cosyngton[] anno incarnacionis dominice mccxlij Id Aprilis tercio coram Magistro Rogero de Mariscis officiali dni archidiaconi Well et dno Antonio decano de Poulet in controversia mota inter abbatem et conventum Glaston ex una parte comparentes per fratrem Petrum elemosinarium ipsorum et Willelmum rectorem ecclesie de Bagedrep ex altera personaliter comparentem super decimis feni Radulphi Huse scilicet septem acrarum et Roberti de Bagedrep scilicet ij acrarum et dimidii et Haroldum de Marsciis scilicet quinque acrarum et Jordani de Alkeseya scilicet quinque acrarum et Johannis Kote scilicet unius acre et dimidii in prato de Wythyes quas decimas dicti abbas et conventus petebant racione ecclesie sue de Schapwyk[] de iure communi cum idem pratum situm sit infra limites parochie eiusdem ecclesie de Schapwyk[] tandem post multa hinc inde proposita et super hiis sufficienti deliberacione prehabita dictus W rector ecclesie de Bagedrep considerans et intelligens ius dictorum abbatis et conventus et prenominate ecclesie de Schapwyk[] in prefatis decimis easdem decimas ad eosdem abbatem et conventum racione eiusdem ecclesie sue de Schapwyk[] omnino pertinere confessus est et in manu dicti P elemosinarii eas vadiavit Dicti ergo R officialis dni archidiaconi Well et A decanus de Poulet audita tali confessione et visa tali vadiacione decimas illas memoratis abbati et conventui et ecclesie sue de Schapwyk[] tanquam sibi pleno iure debitas adiudicarunt esse solvendas In cuius rei testimonium presentibus actis sigilla sua apposuerunt

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.