Sciant presentes etc quod ego Radulfus filius quondam Thome le Bellamy dedi concessi et hac presenti carta mea confirmavi Deo et sancte Marie et sancto Iohanni Baptiste et fratri Iosep de Chauncy priori sancte domus hospitalis Ierusalem in Anglia et fratribus eiusdem domus 6 acras et dimidiam et unam rodam terre cum suis pertinentiis sine ullo retenemento in puram et perpetuam elemosinam in predicta parochia iunctas cuidam campo eiusdem domus vocato Bisorpeswyk[] habendas et tenendas adeo libere et quiete bene et in pace sicut aliqua elemosina alicui domui religionis liberius purius et quiecius poterit dari seu assignari ita quod possint quibuscumque et quandocumque illa cum suis pertinentiis dare vendere vel assignare voluerint Et ego predictus Radulphus et heredes mei et assignati mei warantizabimus et acquietabimus et defendemus dictis fratri Ioseph priori hospitalis et eiusdem domus fratribus totas predictas 6 acras terre et dimidiam acram et unam rodam terre cum suis pertinentiis de omnimodis sectis curiarum hundredi et comitatus et de omnimodis serviciis et secularibus demandis contra omnes homines et feminas tam Iudeos quam Christianos imperpetuum In cuius rei testimonium presentem cartam sigilli mei impressione roboravi Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.