Sciant presentes et futuri quod ego Simon Cosyn de Hauekeshall[] dedi concessi et hac presenti carta mea confirmavi Willelmo filio Petri de Topesfeld[] pro servicio suo quatuor acras terre cum omnibus pertinentiis suis in parochia de Topesfeld[] iacentes in crofta que vocatur Homcroft inter terram dicti Willelmi ex utraque parte et ad unum capud abuttat ad terram meam et ad aliud capud ad regale cheminum quod ducit versus castrum de Hengham habendas et tenendas de me et heredibus meis sibi et heredibus suis vel assignatis suis vel cuicumque dare vendere vel aliquo modo assignare voluerit libere quiete bene in pace integre et hereditarie reddendo inde annuatim capitalibus dominis feodi illius servicium debitum Et ego predictus Simon et heredes mei warantizabimus defendemus et acquietabimus totam predictam terram cum omnibus pertinentiis suis dicto Willelmo et heredibus suis vel assignatis suis per predictum servicium contra omnes gentes in perpetuum In cuius rei testimonium presenti carte sigillum meum apposui Hiis testibus Willelmo filio Iohannis Nicholai filio Willelmi Olivero hose Iohanne Oliver Willelmo Cosyn Roberto Buscarl[] et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.