Universis sancte matris ecclesie filiis ad quos presens scriptum pervenerit Ricardus de Othulvesho de Gestingthorpe salutem in Domino Noverit universitas vestra me concessisse et omnino pro me et heredibus meis vel meis assignatis quietum clamasse Deo et beate Marie et sancto Iohanni Baptiste et beatis pauperibus sancti Iohannis hospitalis Ierusalem et precipue fratribus eiusdem domus de Mapeltrestede commorantibus et ibidem Deo servientibus intuitu caritatis et salute anime mee et Avicie uxoris mee et Rogeri filii mei et antecessorum et successorum meorum totum ius et clameum quod habui vel aliquo modo habere potui in homagiis wardis releviis herietis et escaetis de duabus acris terre arabilis provenientibus quas Gilbertus filius Hugonis de me quondam tenuit in campo qui vocatur Alwannesfeld[] unde unum capud abuttat super viam que ducit de Hengham versus Gestingthorpe et aliud capud super terram qui vocatur Walfeld[] et iacent inter terram Petri de Othulvesho et terram que quondam erat Roberti servientis ita tamen quod nec ego nec heredes mei nec aliquis nomine meo in dictis wardis homagiis releviis herietis et escaetis de cetero petere vel vendicare poterimus In cuius rei testimonium huic scripto sigillum meum apposui Hiis testibus Roberto de Chelmeshoo Nicholao clerico Hugone warde Thoma warde Ricardo le archer Iohanne Ioye Willelmo de Panimere et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.