Omnibus Christi fidelibus ad quos presens scriptum pervenerit Galfridus Gurray de Haustede salutem in Domino Noverit universitas vestra me concessisse dedisse et hac presenti carta mea confirmasse Deo et beate Marie et sancto Iohanni Baptiste et fratribus hospitalis sancti Iohannis Ierusalem apud Mapeltrestede Deo servientibus pro salute anime mee et uxoris mee et antecessorum et successorum et puerorum meorum sex denarios annui redditus percipiendos ad duos anni terminos videlicet ad Pascha tres denarios et ad festum sancti Michaelis tres denarios de domo et toto mesuagio meo iacenti in longitudine inter mesuagium Ricardi hominis persone et mesuagium Henrici Muriel unde unum capud abuttat super regiam viam que est ex parte australi habendum et tenendum dictum redditum et percipiendum de dicta domo et toto mesuagio predictis fratribus et eorum successoribus in liberam puram et perpetuam elemosinam libere quiete bene et in pace in perpetuum licebit eciam dictis fratribus et eorum successoribus quocienscumque necesse fuerit predictam domum et mesuagium distringere pro predicto redditu petentibus Concedo eciam dictis fratribus et eorum successoribus terciam partem omnium bonorum meorum in obitu meo et heredum meorum In huius autem rei testimonium huic presenti scripto sigillum meum apposui Hiis testibus Thoma capellano Roberto de Polhey Hugone de Gladinton[] clerico Rogero Franceys Hugone Ioye Vincentio de Pentlawe Rogero de Stubleg[] Willelmo de Panimere et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.