Sciant presentes et futuri quod ego Cristina Produmes filia Willelmi fabri de parva Mapeltrestede in pura viduitate et legitima potestate mea dedi concessi et hac presenti carta mea confirmavi Deo et beate Marie et sancto Iohanni Baptiste et fratribus hospitalis sancti Iohannis Ierusalem Deo servientibus apud Mapeltrestede parvam in liberam puram et perpetuam elemosinam pro salute anime mee et antecessorum et successorum meorum totam terram cum pertinentiis quam habui et tenui de dictis fratribus hospitalis apud Mapeltrestede iacentem iuxta viam regalem que ducit a villa de Sutheberi usque villam de Halstude infra campum que vocatur Acyesfeld[] habendam et tenendam totam predictam terram cum pertinentiis suis predictis fratribus in puram liberam et perpetuam elemosinam in perpetuum sicuti aliqua terra vel elemosina melius liberius vel quiecius alicui domui religionis poterit dari vel haberi Et ego predicta Cristina et heredes mei predictis fratribus et successoribus suis totam predictam terram cum pertinentiis pro salute animarum predictarum warantizabimus acquietabimus et contra omnes gentes in perpetuum defendemus In cuius rei testimonium huic presenti scripto sigillum meum apposui Hiis testibus Waltero Morell[] Hugone Ioye Willelmo Panimere Ricardo le archer Alano Moraunt Willelmo Prodome Willelmo le botiler et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.